සත්‍යයෙන් මිදෙන්න අපට පුළුවන් කමක් නෑ” යයි මුම්බායි ඉන්දියන්ස් පිලේ හිමිකරුවා වන ආකාශ් අම්බානි මහතා ඒ.එල්.පී. පුවත් සේවයට පවසා තිබිණ. “ජේම්ස් පැටින්සන් මුම්බායි ඉන්දියන්ස් කණ්ඩායමට එකතු වෙනවා. ඔහු දැනටමත් අබුඩාබියේ ඉන්නවා” යයි මුම්බායි ඉන්දියන්ස් කණ්ඩායම වෙනුවෙන් නිකුත් කළ මාධ්‍ය නිවේදනයක සටහන් විය.
අයි.පී.එල්. තරගාවලියේ වැඩිම කඩුලු ලාභියා වන මාලිංග, 2009 වසරේදී පළමු වරට මුම්බායි ඉන්දියන්ස් කණ්ඩායම නියෝජනය කරමින් අයි.පී. එල්. තරගාවලියට සහභාගි විය. එතැන් පටන් මේ දක්වා අයි.පී.එල්. තරග 122 කට සහභාගි වී ඇති මාලිංග අයි.පී.එල්. තරග වලදී දවාගෙන ඇති කඩුලු සංඛ්‍යාව 170 කි. ඉකුත් වසරේ (2019) පැවැති අයි.පී. එල්. තරගාවලියේ අවසන් මහ තරගයේදී අවසන් ඔවරය තුළ ලකුණු 9 ක් ආරක්ෂා කරගනිමින් සිය කණ්ඩායමට සිව්වැනි ශුරතාව දිනාදීමටද මාලිංග සමත් වූයේය. චෙන්නායි සුපර් කණ්ඩායමට එරෙහිව පැවැති අවසන් මහ තරගයේදී අවසන් ඕවරය ලකුණු 3 කට සීමා කරමින් එහි අවසන් පන්දුවේදීම කඩුල්ලක් දවාගත් මාලිංග තරගයෙන් ලකුණු 1 ක ජයක් කරා සිය කණ්ඩායම කැඳවාගෙන ගියේය.
“මාලිංග කියන්නේ පුරාවෘතයක්. ඒ විතරක් නෙමෙයි ඔහු මුම්බායි ඉන්දියන්ස් කණ්ඩායමේ ශක්තියේ ප්‍රධාන පුරුකක්. මෙවර තරගාවලියේදී කණ්ඩායමට ඔහුගේ සේවය නොලැබීම විශාල පාඩුවක්යැයි මුම්බායි ඉන්දියන්ස් කණ්ඩායමේ හිමිකරු ආකාෂ් අම්බානි මහතා පැවසීය. “මෙම අවස්ථාවේ කණ්ඩායම සුදුසුම ක්‍රීඩකයා විධියට අපිට පැටින්සන්ව හඳුන්වන්න පුළුවන්. ඔහු අපේ වේග පන්දු බළඇණය තවත් ශක්තිමත් කරාවී. මෙවර තරගාවලිය පැවැත්වෙන ආකාරය සහ ක්‍රීඩාංගණ සැලකිල්ලට ගත්තාමත් ඔහුගේ පැමිණීම අපිටත් ලොකු හයියක් වේවි." යැයිද අම්බානි මහතා කියා සිටියේය.
