රූගත කිරීමට සියලු සැලසුම් සුදානම් කර ඇති බව දැනගන්නට ලැබුණි.ශ්‍රී ලංකාව - ඉන්දියාව සම්බන්ධ වූ වෝල අධිරාජ්‍යය පදනම් කරගෙන කල්කි ක්‍රිෂ්ණමූර්ති නැමැති ප්‍රකට ලේඛකයා රචිත නවකතාවක් ඇසුරෙන් නිර්මාණය කරන මෙම චිත්‍රපටය සඳහා එහි ප්‍රධාන නළු නිළියන් වන සුරූපී නිළි අයිශ්වර්යා රායි බච්චන්, වික්‍රම්, කානික්, ට්‍රිෂා ක්‍රිශ්ණ, ප්‍රභු, ජෙයම් රවි, අයිශ්වර්යා ලක්ෂ්මී, ජෙයරාම්, වික්‍රම්ප්‍රභු, සරත් කුමාර්, කිලර් කුමාර්, අශ්වින්, රියාස් ඛාන්, ශ්‍රී ලංකාවට පැමිණීමට නියමිතය. මෙහිදී ඔවුන් සමග මෙරට නළු නිළියන් 500කට අධික සංඛ්‍යාවක් රංගනයෙන් දායකවීම විශේෂත්වයකි.
"ඇත්තෙළි මේ කටයුත්ත ශ්‍රී ලංකාවට එන ලොකුම ආයෝජනයක් ලෙස හඳුන්වන්න පුළුවන්. මේ චිත්‍රපටයට අපේ රටේ නළු නිළියන් 500කට වැඩි පිරිසක් දායක කරගන්නවා. මේ සදහා මෙරට සිටින දමිළ, සිංහල සියලූ දෙනාම එකතු කරගන්නවා. ඒ වගේම කාර්මික අංශයට අපේ රටේ දක්ෂ අයත් දායක කරගන්නවා. මෙහි දර්ශනතල මේ දිනවල රන්මිහිතැන්නේ හැදිමට මෙරට සිටින ප්‍රවීණ නිර්මාණකරුකු වන එරල් කෙලී සියලු සැලසුම් හදාගෙන යනවා.
ඔක්තෝම්බර් මාසයේ අග හරියේ ඉඳන් දින 100ක් මෙහිදී මේ චිත්‍රපටයේ රූගත කිරිම් කරනවා. මනිරත්නම්ගේ මේ චිත්‍රපටයේ 30% ක් පමණ රූගත කිරීම් කොරෝනා වසංගතයට පෙර තායිලන්තයේදී සිදුකළේ. අපේ රටේ ශ්‍යාම් ප්‍රනාන්දු මේ චිත්‍රපටයේ 5 වැනි මිහිඳු රජ ලෙස රංගනයෙන් දායක වුණා. ලංකාවත්, ඉන්දියාවත් සම්බන්ධ වූ චෝල අධිරාජ්‍යය පාදක කරගෙන කල්කි ක්‍රිෂ්ණමූර්ති ලියූ පිටු 1000කට වැඩි නවකතාව තමයි මේ චිත්‍රපටයට පාදක කරගෙන තිබෙන්නේ. ම් නවකතාව ඇසුරන් චිත්‍රපටයක් කරන විට පෙර දකුණූ ඉන්දීය සුපිරි නළුවන් දෙදෙනෙක් වන එම් පී. රාමචන්ද්‍රන් හා කමල් හසන් උත්සාහ කළා. නමුත් නිෂ්පාදනයේ වැය පක්ෂය ඉතා අධික නිසා චිත්‍රපටය කරගන්න බැරි වුණා.
"පොන්නියන් සෙල්වන්" චිත්‍රපටයේ සංගීතය ඔස්කාර් සම්මානලාභී ප්‍රවීණ සංගීත අධ්‍යක්ෂ ඒ.ආර්. රන්මාන් ගෙනි. කැමරාකරණයෙන් රවි වර්මන්, සංස්කරණයෙන් ග්‍රීකර් ප්‍රසාද් කලා අධ්‍යක්ෂණයෙන් තොට්ට තරණි, අදුම් නිර්මාණයෙන් ඒකා ලහාක්මා, තිර රචනයෙන් මනිරත්නම්, බී ජෙයමෝහන් (දෙබස්) හා එලංගෝ කුමාරවේල් සියක වන මෙම චිත්‍රපටය මනිරත්නම්, සුභාසිනී මනිරත්නම් හා සුභාෂ් කරන් අලීරාජ්ගේ නිෂ්පාදනයකි.
(සමන්ත යහම්පත්)
