ආරක්ෂක ලේකම්වරයාට සහ බන්ධනාගාර දෙපාර්තමේන්තුවේ උසස් නිලධාරීන්ට මරණ තර්ජන එල්ල කරන ලදැයි කියන සිද්ධියේ දෙවැනි සැකකරු ලෙස පොඩි ලැසී නමැත්තා නම් කළ ගාල්ල ප්‍රධාන මහේස්ත්‍රාත්
හර්ෂණ කැකුණවෙල මහතා ඔහු ලබන 25 වැනිදා තෙක් රිමන්ඩ් බාරයේ රැඳවීමට ඊයේ (17) නියම කළේය. අපරාධ පරීක්‍ෂණ ප්‍රබල අය දෙපාර්තමේන්තුවේ අධිකරණ නිලධාරින් මෝෂමක් මගින් කළ ඉල්ලීමක් පිළිගනිමින් අරුමුහන්දි ජනිත් මධුසංක හෙවත් පොඩි ලැසී නමැත්තා මෙම සිද්ධියේ දෙවැනි සැකකරු වශයෙන් නම් කිරිමට මහෙස්ත්‍රාත්වරයා පියවර ගත්තේය. මෙම සිද්ධියේ පළමුවැනි සැකකරු වශයෙන් නම් කොට ඇත්තේ ධර්මකීර්තිගේ තාරක පෙරේරා විජේසේකර හෙවත් කොස්ගොඩ තාරක නමැත්තාය. දරුණු ගණයේ අපරාධකරුවන් වන මෙම සැකකරුවන් බූස්ස බන්ධනාගාරයේදී ප්‍රසිද්ධියේ ජනාධිපතිවරයාට, ආරක්ෂක ලේකම්වරයාට සහ බන්ධනාගාර දෙපාර්තමේන්තුවේ උසස් නිලධාරින් කිහිප දෙනෙකුට මරණ තර්ජන එල්ල කරන ලදැයි කියන සිද්ධියක් සම්බන්ධයෙන් අපරාධ පරික්ෂණ දෙපාර්තමේන්තූව විමර්ශන ආරම්භ කර තිබිණි.
එම ඉල්ලීම්වලට අවසර දුන් මහේස්ත්‍රාත්වරයා ලබන 25 වැනිදා බන්ධනාගාරයට ගොස් සැකකරුගෙන් ප්‍රකාශ ලබා ගැනීමට විමර්ශන නිලධාරින්ට අවසර දුන්නේය. පොලිස් විශේෂ කාර්ය බළකායේ සහ පොලිසියේ නිලධාරින් යොදවා ඊයේ උදෑසන සිටම ගාල්ල අධිකරණ සංකීර්ණය හා ඒ අවට ප්‍රදේශයට දැඩි ආරක්ෂාව සලසා තිබූ අතර දැඩි රැකවල් මැද පොඩි ලැසී නමැත්තා අධිකරණයට රැගෙන එන ලද අතර නඩු විමසීමෙන් අනතුරුව බලපිටිය අධිකරණයේ විභාග වන නඩුවකට ඉදිරිපත් කිරිම සඳහා පොඩි ලැසි නමැත්තා ගෙන යන ලදී.
-ඩී.ජී.සුගතපාල-
