අද (08) පස්වරු 1ට පාර්ලිමේන්තු රැස්වීමට ආරම්භ වීමෙන් පසු
ප්‍රේමලාල් ජයසේකර මහතා මෙලෙස මන්ත්‍රීවරයෙකු ලෙස දිවුරුම් දුන්නේ ඔහු මිනීමැරුම් චෝදනාවකට වරදකරුවී සිරගතවී සිටින අතරතුරදීය.
ඔහුට පාර්ලිමේන්තු මන්ත්‍රී ධූරයකට පත්කිරීමට නොහැකි බවට නීතිපතිවරයා කරුණු දක්වා ඇති නිසා මීට පෙර පාර්ලිමේන්තු වාරයට ඔහු පැමිණියේ නැත. නමුත් අභියාචනාධිකරණයට ඔහු ගොනු කළ රිට් පෙත්සම අනුව ලද නියෝගයෙන් මෙලෙස අද පැමිණිමට හැකි විය.
අද දිනයේ සමඟි ජනබලවේගයේ මන්ත්‍රීවරුන් මෙයට විරෝධනය පල කරමින් කළු සාටක පැළඳ පාර්ලිමේන්තු සභාවට පැමිණ අතර ප්‍රේමලාල් ජයසේකර මහතා මන්ත්‍රී ධුරයේ දිවුරුම් දෙන අවස්ථාවේ කෑකෝ ගසමින් ඊට විරෝධය පල කරන ලදි. අනතුරුව විරෝධය දක්වා පාර්ලිමේන්තු සභා ගැබින් ඉවත්වීමද සිදු කරන ලදි.
