හිමියන්ගේ සංගමය සඳහන් කරයි. මීට අමතරව සීනි, තේ කොළ මිල ඉහළ යාම හේතුවෙන් රුපියල් විස්සකට තේ එකක් ලබාදීමට නොහැකි තත්ත්වයක්ද උදා වී තිබෙන බව එම සංගමයේ සභාපති අසේල සම්පත් මහතා සඳහන් කළේය.
මීට අමතරව පොල් ගෙඩියක මිල රුපියල් සියය ඉක්මවා යමින් තිබෙන බවත්, පොල් තෙල් බෝතලයක මිල රුපියල් තුන්සිය පනහ ඉක්මවා යමින් තිබෙන බවත් අසේල සම්පත් මහතා සඳහන් කළේය. එබැවින් ආහාර මිල ඉහළ දැමිය යුතුව තිබුණද, ආහාර මිල පාරිභෝගිකයන්ට දරාගත නොහැකි තත්ත්වයක තිබෙන නිසා තවදුරටත් ආහාර මිල ඉහළ දැමිය නොහැකි බවත්, තේ එකක මිලත්, උපරිම මට්ටමක තිබෙන බැවින් තේ එකක මිල ඉහළ දැමීමට නොහැකි බවත් ඒ මහතා පවසා සිටියේය. මේ නිසා අත්‍යවශ්‍ය ආහාර ද්‍රව්‍ය මිල පාලනය කිරීමට කටයුතු කරන ලෙසට ගෝඨාභය රාජපක්ෂ මහතාගෙන් ඉල්ලා සිටින බවත්, වී අස්වැන්න වෙළෙඳ පොළට පැමිණීම අවසන් අදියරට පැමිණෙමින් තිබියදී සම්බා සහල් මිල මේ ආකාරයට ඉහළ ගොස් තිබෙන බැවින් ඉදිරි කාලයේදී තවදුරටත් සම්බා සහල් වර්ගවල මිල තව තවත් ඉහළ යා හැකි බවත් ඒ මහතා පවසා සිටියේය.
- ඉන්දික හේවාවිතාරණ -
