පානදුර දකුණ පොලිසිය කියයි. ජාතික ළමා ආරක්ෂක අධිකාරියට එම ප්‍රදේශයේ කිසියම් අයකු විසින් කරන ලද පැමිණිල්ලක් පානදුර දකුණු පොලිසියට යොමු කිරිමෙන් අනතුරුව කෙරුන දිර්ඝ විමර්ශනයකින් පසු ඔහු අත්අඩංගුවට ගෙන ඇත.පානදුර ප්‍රදේශයේ පාසලක ඉගෙනුම ලබන මෙම දරුවා සැකකාර සහකාර විදුහල්පතිවරයාගේ නිවස ආසන්නයේම පදිංචිව සිටින අතර දරුවා සිංහල විෂයට මඳක් දුර්වල බැවින් දෙමව්පියන් විසින් එම දරුවා සැකකරු වෙත යොමුකර ඇති බව පොලිසිය කියයි.
පසුව දරුවාගේ මව සහ මවගේ සහෝදරයා සැකකරුගේ නිවෙස ඉදිරිපිටට ගොස් ආවේගශීලීව හැසිරි සැකකරුට කම්මුල් පහරක් ද එල්ල කර ඇති අතර සැකකරුගේ බිරිඳ බැගෑපත්ව ඔවුන් නිවස තුළට කැඳවා රුපියල් ලක්ෂයක මුදලක් ඔවුන්ට දී මෙය රහසක් වශයෙන් තබා ගන්නා ලෙස ආයාචනා කර ඇතැයි දරුවාගේ මවගේ' ප්‍රකාශයකින් පොලිසියට අනාවරණය වී ඇත. මුදල් දීම හේතුවෙන් මේ පිළිබඳව පොලිසියට පැමිණිලි නොකළ බව ද දරුවාගේ මවගේ ප්‍රකාශයකින් වැඩිදුරටත් අනාවරණ වූ බව පොලිස් නිලධාරියා පැවසීය. සැකකරු පනස් හය වන වියේ පසුවන අතර බිරිඳ ද පානදුර ප්‍රදේශයම විදුහලක ගුරුවරියක බවත් ඔවුන්ට පිරිමි දරුවෙකු සිටින බවත් විමර්ශනවල දී අනාවරණය වූ බව උසස් පොලිස් නිලධාරියෙක් කීවේය. සැකකරු පානදුර මහේස්ත්‍රාත් අධිකරණයට ඉදිරිපත් කිරීමට නියමිතය.
-බිමල් ශ්‍යාමන්-
