බස්නාහිර පළාතෙන් සොයා ගෙන ඇතැයි ගුණසේකර මහතා කීවේය. මේ අපරාධකරුවන්ට අයත් බැංකු ගිණුම් 102ක් ද සොයා ගත් බවත්, මේ ගිණුම් ඔස්සේ රුපියල් කෝටි 260කට වැඩි මුදලක් සංසරණය වී ඇති බවට තොරතුරු අනාවරණය වී තිබෙන බවත් ඔහු පැවසීය.
ගෙවීගිය මාස දෙකක කාලය තුළ බස්නාහිර පළාත තුළ සිදුකළ මෙහෙයුම්වලදී අපරාධවලින් හා මත්ද්‍රව්‍ය ජාවාරම්වලින් උපයාගත් මුදල්වලින් මිලදී ගත් ඉඩම් දොළහක් සොයාගෙන තිබෙන බවද
මෙම ඉඩම් කැබලි 12 මුළු වටිනාකම රුපියල් මිලියන හාරදහසකට අධික බවත්, මෙම ඉඩම් මිලදී ගත් කිහිපදෙනෙකු මේ වනවිට අත්අඩංගුවට ගෙන තිබෙන බවත් පවසා සිටි හෙතෙම, තවත් කිහිපදෙනෙකු විදේශවල සැඟව සිටින බවද පවසා සිටියේය. මීට අමතරව අපරාධවලින් හා මත්ද්‍රව්‍ය ජාවාරම්වලින් සොයාගත් මුදල් තැන්පත් කළ බැංකු ගිණුම් එකසිය දෙකක් අනාවරණය කරගෙන තිබෙන බවත්, එම ගිණුම්වල රුපියල් මිලියන දෙදහස් හයසියයකට ආසන්න ප්‍රමාණයක් හුවමාරු වී තිබෙන බවත් කීය.
මේ අතර විදේශයන්ට පලාගොස් සිටින දරුණු ගණයේ අපරාධකරුවන් 14 දෙනකු අත්අඩංගුවට ගැනීමට අපරාධ පරීක්ෂණ දෙපාර්තමේන්තුව ජාත්‍යන්තර පොලිසියෙන් (ඉන්ටර්පෝල්) රතු නිවේදන ලබාගෙන ඇතැයි වැඩබලන පොලිස් මාධ්‍ය ප්‍රකාශකවරයා කීය. මේ දාහතර දෙනාම මෙරට සිදු වූ මනුෂ්‍ය ඝාතන මත්ද්‍රව්‍ය ජාවාරම් ඇතුළු අපරාධ සම්බන්ධයෙන් පොලිසියට අවශ්‍යව සිටින පුද්ගලයන් බව කී වැඩබලන පොලිස් මාධ්‍ය ප්‍රකාශකවරයා, ඔවුන් අත්අඩංගුවට ගැනීමට දැනටමත් විමර්ශන අරඹා ඇති බව ද ප්‍රකාශ කළේය.
නීතිවිරෝධී ආකාරයට උපයාගත් මුදල් තැන්පත් කළ ගිණුම් හිමියන්ගෙන් පිරිසක් අත්අඩංගුවට ගෙන තිබෙන බවත්, තවත් පිරිසක් විදේශගතව සැඟව සිටින බවත් පැවසූ රුවන් ගුණස්කර මහතා, රතු වරෙන්තු නිකුත් කර තිබෙන සැකකරුවන් අතර, මෙම බැංකු ගිණුම් හා ඉඩම් මිලදීගත් පුද්ගලයන් කිහිපදෙනෙකුත් සිටින බවද සඳහන් කළේය.
එසේම 1917 දුරකථන අංකයට පසුගිය අගෝස්තු මාසය තුළදී තොරතුරු හයසිය හැත්තෑ එකක් ලැබී තිබෙන බවත්, ඉන් තොරතුරු එකසිය දහයක් මුදල් විශුද්ධිකරණයට අදාළ තොරතුරු බවත් ඒ මහතා ප්‍රකාශ කළේය.
පසුගිය මාසය තුළදී 1997 දුරකථන අංකයට තොරතුරු තුන්දහස් අටසීයක් ලැබී තිබෙන බවද රුවන් ගුණසේකර මහතා සඳහන් කළේය. එමෙන්ම, විදේශවල සැඟව සිටින මෙරට තුළ අපරාධ හා මත්ද්‍රව්‍ය ජාවාරම්වල නිරත වූ පුද්ගලයන් දාහතර දෙනෙකු අත්අඩංගුවට ගැනීමට ගෙවී ගිය මාස දෙකක කාලය තුළ රතු නිවේදන නිකුත් කර තිබෙන බවද ඔහු සඳහන් කළේය.
