නව මුහුණුවරකින් අමානුෂික ලෙස ක්‍රියාත්මක වන බවට තොරතුරු පළව තිබේ.
යාපනය සරසවියේ කළමනාකරණ පීඨයේ පළමු වසර සඳහා සිසුන් 170කට ආසන්න ප්‍රමාණයක්
ලියාපදිංචි වී සිටින අතර මේ වනවිට එම සිසුන් සියලු දෙනාම මෙම නවක වදයේ ගොදුරු බවට පත්වෙමින් සිටිති.
ජංගම දුරකථන මඟින් සහ වට්ස් ඇප් ෆේස්බුක් වැනි සමාජ මාධ්‍ය භාවිත කර පිරිමි සිසුන්ට වීඩියෝ ඇමතුම් හරහා විවිධ ලිංගික හැසිරීම් සිදු කරන ලෙස ජ්‍යෙෂ්ඨ සිසුන් විසින් බලකරනු ලැබ ඇති අතර වාර්තා වන ආකාරයට එම පීඨයේ කාන්තා සිසුවියන්ටද ඇතැම් පිරිමි ජ්‍යෙෂ්ඨ ශිෂ්‍යයින් ඔවුන්ගේ නිරුවත් පින්තූර එවන ලෙසට බල කර ඇති බව වාර්තා වේ.
මෙම සිදුවීම් උග්‍ර ලෙස සිදුව ඇත්තේ පසුගිය 12 වැනිදා සහ 13 වනිදාය. සරසවියේ නවක සිසුන් රැස් කොට රැස්වීම් පැවැත්වීම විශ්ව විද්‍යාල පරිශ්‍රය තුළ තහනම් කොට ඇති නිසා ජ්‍යෙෂ්ඨ සිසුන් බෝධි පූජා ආශිර්වාද පිංකමක් පවත්වන බව පවසා පසුගිය 11 වැනිදා නවක සිසුන් යාපනය නාග විහාරයට කැඳවා සරසවිය තුළ හැසිරිය යුතු ආකාරය පිළිබඳව දේශන ලබා දී ඇති අතර සෑම සිසුවකුගේම ජංගම දුරකථන අංක ඇතුළු තොරතුරු ලබා ගෙන ඇත.
ඇතැම් සිසුන්ට මේ නිසා දිනකට රුපියල් 600ක් 700ක් පමණ වියදම් කිරීමට සිදුව ඇති බවත් තමන් නිවසෙන් රැගෙන ආ සියලුම මුදල් ඇතැම් සිසුන්ට මෙම ජංගම දුරකථන ඇමතුම් වෙනුවෙන් වියදම් කිරීමටද සිදුව ඇත.
රටේ විවධ ප්‍රදේශවල සිට ආර්ථික දුෂ්කරතා මැද පැමිණෙන මෙම සිසුන් මේ වනවිට දැඩි මානසික පීඩනයකටද කල් වෙමින් සිටින අතර ඔවුන්ට ඉදිරියේදී තවදුරටත් ශාරීරිත නවක වදයන්ට ගොදුරු වයි හැකි බවට ජ්‍යෙෂ්ඨ සිසුන් විසන් අනතුරු අඟවනු ලැබ ඇත.
කෙසේ වුවද මෙම නවක වද තත්ත්වය සම්පූර්ණයෙන්ම බලපාන්නේ සිංහල සිසුන්ට පමණක් බවත් ද්‍රවිඩ සිසුන් සහ ඔවුන්ගේ ශිෂ්‍ය සංගම් තම නවක ශිෂ්‍ය ශිෂ්‍යාවන්ට මෙවැනි අමානුෂික ආකාරයෙන් නොසලකන බවත් ඔවුන් තම සිසුන්ට මෙන්ම සිංහල සිසුන් සමඟද ඉතා සුහදත්වයෙන් කටයුතු කරන බව වාර්තා වේ.
දෙමළ සිසුන් එසේ කටයුතු කරන අතරේ සිංහල සිසුන් මෙම අවිනිත වනචාරීන් ලෙස කටයුතු කිරීම හෙළා දැකිය යුතු තත්ත්වයක් වන අර වහා ඔවුන්ට එරෙහිවව විනය පියවර ගත යුතුව තිබේ.
