බ්‍රැන්ඩික්ස් ඇපරල් ලිමිටඩ් යනු ශ්‍රී ලංකාවේ මූලස්ථානය පිහිටි ඇඟලුම් නිෂ්පාදන ආයතනයකි. ලංකාවේ ප්‍රමුඛතම ඇඟලුම් නිෂ්පාදන සමාගම් කිහිපය අතරින්ද එය එකකි.
මෙම සමාගමේ ප්‍රධාන අතුරු ශාඛා ඉන්දියාවේ හා බංග්ලාදේශයේ පිහිටා තිබේ. එක්සත් ජනපදය. හයිටි,සිංගප්පූරුව,කැම්බෝඩියාව,ඕස්ට්‍රේලියාව හා එක්සත් රාජධානියේද ශාඛා ඇත.
බ්‍රැන්ඩික්ස් නාමය යටතේ මේ සියලු රටවල
පිහිටි කර්මාන්ත ශාලා හා ආයතන 38 කි. මේවායෙහි සේවය කරන සේවක සංඛාව 60,000 කට අධිකය. වික්ටෝරියාස් සීක්‍රට්, ගැප්, නෙක්ස්ට් සහ මාර්ක්ස් ඇන්ඩ් ස්පෙන්සර් වැනි සුවිශේෂී සමාගම් වෙනුවෙන් නිෂ්පාදන සැකසීම මෙම කර්මාන්ත ශාලාවලදී සිදු කෙරේ. රෙදිපිළි, නූල්, බොත්තම් සහ හැඟර්ස් වැනි දේ ඉහළ තත්වයෙන් නිපදවීමට මොවුන් කටයුතු කරයි.
දළ දේශීය නිෂ්පාදිතයේ ප්‍රධාන දායකයා ලෙස බ්‍රැන්ඩික්ස් ශ්‍රී ලංකා ආර්ථිකයේ තීරණාත්මක කාර්යභාරයක් ඉටු කරන බව වාර්තා ගතය. ශ්‍රී ලංකාවේ අපනයන අංශයේ තනි විශාලතම සේවා යෝජකයා වන අතර ඉහළම විදේශ විනිමය උපයන සමාගමද වේ.ගතවූ කාලය තුළ බ්‍රැන්ඩික්ස් සමාගම විවිධ සම්මානයන්ද ලබා ඇත.
බ්‍රැන්ඩික්ස් 1969 දී ශ්‍රී ලංකාවේ ආරම්භ කරන ලද්දේ ශ්‍රී ලංකාවේ නූතන ඇඟලුම් කර්මාන්තයේ පියා ලෙස සැලකෙන ඇමරිකානුවෙකු වන මාටින් ට්‍රස්ට්ගේ සහායෙනි. සමාගම 1972 දී මෙහෙයුම් ආරම්භ කළේ නිල වශයෙන් පකිස්තානයේ ඕමාර් සමූහයේ කොටසක් වූ සමූහ ව්‍යාපාරයක් වශයෙනි.
2007 අංක 7 දරණ සමාගම් පනත යටතේ බ්‍රැන්ඩික්ස් පුද්ගලික සමාගම යටතේ 2002 දී මෙම ව්‍යාපාරය පුද්ගලික සීමිත සමාගමක් ලෙස සංස්ථාගත කරන ලදී. 2008 දී සමාගම මුලින්ම සීදුවේ ශාඛාවක් විවෘත කළ අතර පසුව මිරිගම, මඩකලපුව සහ පන්නල ශාඛා පිහිටුවන ලදි. වත්මන් බ්‍රැන්ඩික්ස් ප්‍රධාන විධායක ලෙස අශ්රොෆ් ඕමාර් කටයුතු කරයි. සභාපති වන්නේ ප්‍රියාන් ප්‍රනාන්දුය.
ඉන්දියාවේ ආන්ද්‍රා ප්‍රදේශ් ප්‍රාන්තයේ වරාය නගරයක් වන විශාකාපට්ටම් හි පිහිටා ඇති අක්කර 1000 ක ලෝක මට්ටමේ බ්‍රැන්ඩික්ස් ඉන්දියා ඇඟලුම් නගරය (BIAC) ඇඟලුම් නිපදවීමට සැකසූ විශාල ව්‍යාපෘතියකි. එම කර්මාන්ත නගරය පරිසරය තුළින් ලබාගන්නා ශක්තිය යොදාගෙන ඇඟලුම් නිපදවීම නිසා නම් දරා ඇත.
බ්‍රැන්ඩික්ස් මව් ශාඛාව ලංකාවේ පිහිටද්දී ඉන්දියාව ඇතුළු අනෙක් අතුරු ශාඛා සමග නිරන්තර ගනුදෙනු පවත්වයි. නිලධාරී මට්ටමේ හමුවීම්ද නිතර සිදුවේ.
කොරෝනා ආසාදනය පැතිරයාම නිසා බ්‍රැන්ඩික්ස් ආයතනය ගැන ඇතිවූ කථාබහට මේ දිනවල වැඩි වශයෙන් කොරෝනා පීඩාවට පත් ඉන්දියාවේ සම්බන්ධයක් මතුවූයේද ඒ නිසාය.
