කොළඹ මහ නගර සභාවේ  සෞඛ්‍ය උපදේශකයින් 9 දෙනෙකුට කොරෝනා වෛරසය වැළඳී ඇති බව නගර සභාවේ කලාපීය වසංගත රෝග විද්‍යා වෛද්‍ය දිනුකා ගුරුගේ මහත්මිය කියා සිටියාය. මෙම නිලධාරීන් රෝගය වැළඳෙන විට කොළඹ මහ නගර සභාවේ මහජන සෞඛ්‍ය දෙපාර්තමේන්තුවට අනුයුක්ත කර මහජනතාව හා ගැවසෙමින් වෛරසය
පිළිබඳ දැනුවත්භාවය ඇති කිරීම, සනාථ කරන ලද රෝගීන්ගේ සහචරයින්ට විස්තර කිරීම සහ අත්පත්‍රිකා ලබා දීම වැනි රාජකාරිවල නිරත වෙමන් සිට තිබේ.

පෑලියගොඩ මත්ස්‍ය වෙළෙඳපොළ පොකුරෙන් හඳුනාගත් රෝගීන්ගේ ආශ්‍රිතයන් සමඟ කටයුතු කිරීමේදී මෙම සෞඛ්‍ය උපදේශකවරුන් නව දෙනාට වෛරසය වැළඳෙන්නට ඇති බව වෛද්‍ය දිනුකා ගුරුගේ පැවසුවාය.

තහවුරු කරන ලද රෝගීන් හෝ ඔවුන්ගේ සහායකයින් සම්බන්ධ රාජකාරිවල යෙදී සිටියදී මෙතෙක් කොළඹ මහ නගර සභාවේ කිසිදු වෛද්‍ය නිලධාරියෙකු වෛරසය වැළඳී නොතිබූ බවද කියැවිණි.