දිවුලපිටිය ප්‍රදේශයේ පදිංචි 39 හැවිරිදි කාන්තාවක් කොවිඩ්-19 ආසාදිත බව හඳුනාගෙන මේ වන විට IDH රෝහලට ඇතුළත් කර ඇති බව රජයේ ප්‍රවෘත්ති දෙපාර්තමේන්තුව නිවේදනය කර තිබේ.
මෙම කාන්තාව උණ රෝගී තත්ත්වයක් සම්බන්ධයෙන් ගම්පහ රෝහලට ඇතුළත් කර ඇති අතර එහිදී රෝගය සුව වී නිවසට යවන අවස්ථාවේදී සිදු කරන ලද PCR පරීක්ෂණයකදී කොවිඩ්-19 ආසාදිතයෙකු බව හඳුනාගෙන ඇති බව වාර්තා විය.
ඒ අනුව, ගම්පහ රෝහලේ කාර්ය මණ්ඩලයේ 15 දෙනෙකු, අදාළ කාන්තාව සේවය කළ පෞද්ගලික ආයතනයේ කාර්ය මණ්ඩල සාමාජිකයින් 40 දෙනෙකු පමණ නිවාස නිරෝධායනයට ලක් කිරීමට පියවරගෙන තිබෙයි.
අද (ඔක්තෝබර් 4 ට පෙර) බාහිර සමාජයෙන් අවසන්වරට ආසාදිතයෙකු හමු වූයේ පසුගිය අප්‍රේල් මස 30 වන දිනය.
මෙම කාන්තාවට කොවිඩ්-19 ආසාදනය වූ ආකාරය පිළි බඳ දැනට විමර්ශනය කෙරෙන අතර තවම ඒ කෙසේදැයි හඳුනාගෙන නැත.
