කියන පුද්ගලයා ද්විත්ව මනුෂ්‍ය ඝාතනයක් කිරිමේ චෝදනාව යටතේ අත්අඩංගුවට ගත් බව ජ්‍යෙෂ්ඨ පොලිස් නිලධාරියෙක් පැවැසීය. මෙසේ මියගොස් තිබුණේ හෙම්මාතගම, මිපිටිගම ප්‍රදේශයේ පදිංචිව සිටි 66 හැවිරිදි එන්. නන්දාවතී සහ 36 හැවිරිදි නිලුකා රණසිංහ (36) නමැති කාන්තාවන් දෙදෙනෙකි. මෙම කාන්තාවන් දෙදෙනා පසුගිය සැප්තැම්බර් මාසයේ 30 වැනිදා සිට අතුරුදන් බව ඔවුන්ගේ ඥාතීන් පොලිසියට පැමිණිලි කර තිබිණි.
අත්අඩංගුවට ගත් මෙම පුද්ගලයාගෙන් ප්‍රශ්න කිරිමේදී ඔහු විසින් වල් ඌරන් මැරිමට අදින ලද විදුලි රැහැන්වලට පැටලී විදුලිය සැර වැදී මෙම කාන්තාවන් දෙදෙනා මියගොස් සිටි බවත් කාන්තාවන් දෙදෙනා අවස්ථා දෙකකදී කැලෑවට ඔසවාගෙන ගොස් සඟවා තැබූ බවත් සැකකරු පොලිස් ප්‍රශ්න කිරීම්වලදී හෙළිකර ඇති බව කියති. සැකකරුගෙන් හෙළිකරගත් තොරතුරු මත පොලිස් කණ්ඩායමක් ඊයේ (04) එම කාන්තාවන් දෙදෙනාගේ සිරුරු සොයාගත් බවද පොලිසිය කියයි. වල් ඌරන් මැරිමට ඇද තිබූ විදුලි රැහැන්ද පොලිසිය සොයාගෙන තිබේ.
-ශ්‍රිනාත් ප්‍රසන්න ජයසූරිය-
