කොළඹ දිස්ත්‍රික්කයෙන් ඊයේ පෙරවරු 6න් අවන්සවූ පැය 24තුළදි සොයාගත් කොරෝනා වයිරස ආසාදිතයන් 259 දෙනා අතුරින් රෝගින් 255 දෙනකුම වාර්තාවී ඇත්තේ කොළඹ නගර සීමා බල ප්‍රදේශයෙන් බව කොවිඩ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය පවසයි.  මෙයින් ආසාදිතයන් 90 දෙනකුම වාර්තවී ඇත්තේ කොම්පඤ්ඤවීදිය ප්‍රදේශයෙන් බවද එම මධ්‍යස්ථානය සඳහන් කරයි.


කොවිඩ් 19 පැතිරීම වැළැක්වීම් ජාතික ක්‍රියාන්විත මධ්‍යස්ථානය නිකුත් කර ඇති නවතම වාර්තාව අනුව බ්ලූමැන්ඩල් ප්‍රදේශයෙන් රෝගීන් 44 දෙනකු, මරදාන ප්‍රදේශයෙන් 39ක්, ග්‍රෑන්ඩ්පාස් ප්‍රදේශයෙන් 26ක්, වැල්ලවත්ත ප්‍රදේශයෙන් 23ක්,  දෙමටගොඩ ප්‍රදේශයෙන් 21ක්, මට්ටක්කුලිය ප්‍රදේශයෙන් 06ක්, අලුත්කඩේ ප්‍රදේශයෙන් 06ක්, කොල්ලුපිටිය, රත්මලාන, මිරිහාන, වැල්ලම්පිටිය ප්‍රදේශවලින් එක් ආසාදිතයකු බැගින් ද වාර්තා වී ඇතැයි සඳහන් වෙයි.  ඊයේ (25) පෙරවරු 6න් අවසන් වූ පැය 24 තුළදී මෙරටින් වාර්තා වූ කොරෝනා වයිරස ආසාදිතයන් ගණන 458ක් බවද එම මධ්‍යස්ථානය නිවේදනය කරයි.

 -නිමන්ති රණසිංහ-