බ්‍රිතාන්‍ය-ස්වීඩන ඖෂධ නිෂ්පාදන සමාගමක් වන AstraZeneca සමාගම සහ බ්‍රිතාන්‍යයේ ඔක්ස්ෆර්ඩ් විශ්වවිද්‍යාලය එක්ව නිපදවන ලද COVID-19 වළකන එන්නතේ නිෂ්පාදන දෝෂයක් පවතින බවට ලොව එන්නත් පිළිබඳ විශේෂඥයන් පවසයි.
පසුගියදා සිදු කෙරුණු මෙම අනාවරණයට අනුව මෙම AstraZeneca එන්නත සතුව 70%ක සාර්ථකත්වයක් පවතින බවත්, අවශ්‍ය නම් එය 90%ක බලපෑම් සහගත තත්වයක් දක්වා වර්ධනය කරගත හැකි බවත් පවසා තිබුණි. මේ දක්වා බ්‍රිතාන්‍ය සහ බ්‍රසීලය තුළ එහි සායනික පරීක්ෂා සිදුකර තිබේ. ඒවායේ ප්‍රතිඵල විශ්ලේෂණය හරහා මෙම බලපෑම් සහගත පිළිබඳ අනාවරණය කෙරිණි.
කෙසේ වෙතත් මෙම එන්නතේ සායනික පරීක්ෂාවන් සඳහා යොදාගත් ඇතැම් පිරිස් වෙත ලබාදුන් ප්‍රථම සහ දෙවැනි එන්නත් දෙකේදී ප්‍රමාණවත් තරම් මාත්‍රාවක් හිමි නොවී ඇතැයි අනාවරණය වී තිබීම මෙම දෝෂ සහගත ප්‍රතිඵලයට හේතු වී ඇත. වාර්තා වන ආකාරයට මෙම අඩු මාත්‍රාවක් හිමි වූ පිරිස් තුළ සම්පූර්ණ මාත්‍රාවක් හිමි වූ පිරිසට වඩා වැඩි ආරක්ෂාවක් හිමි වූ බව හඳුනාගෙන තිබේ. ඒ අනුව මෙම අඩු මාත්‍රා කණ්ඩායම වෙත ලබාදුන් එන්නතේ බලපෑම් සහගත බව 90%ක් බවත්, සපූර්ණ මාත්‍රාව ලබාදුන් පිරිස අතර එය 62%ක් බවත් සමාගම පවසා සිටියි.
එහෙත් අවස්ථා දෙකකදී ප්‍රතිඵල දෙකක් ලැබීම සම්බන්ධයෙන් එන්නත් පිළිබඳ මෙලෙස විශේෂඥයන් තුළ ප්‍රශ්නකාරී තත්වයක් ඇතිව තිබේ. එහිදී ඔවුන් මෙය එම එන්නතේ නිෂ්පාදන දෝෂයක් ලෙසටද හඳුන්වා දී සිටියි.
0 Comments