තනි රෝදයෙන් යතුරුපැදී පැදවූ බව කියන තරුණයන් පස්දෙනකු පාලගම, බදුවිල පාරේදී අත්අඩංගුවට ගත් බව කහතුඩුව පොලිසිය කියයි.


එම තරුණයන් පැදවූ යතුරුපැදි ද පොලිසිය බාරයට ගෙන ඇත.

තරුණයන් පිරිසක් පැමිණ අපරික්ෂාකාරී අයුරින් මාර්ගයේ ඒමේ අත යතුරුපැදි ධාවනය කරන බවට ලද තොරතුරක් අනුව සිදුකළ වැටලීමේදී මෙම පිරිස අත්අඩංගුවට ගැනීමට හැකි වූ බව පොලිසිය කියයි.

වැටලීම සිදුකරන අවස්ථාවේදී එම තරුණයන් පිරිස තනි රෝදයෙන් යතුරුපැදි ධාවනය කරමින් සිටි බව පොලිස් නිලධාරියෙක් පැවැසීය.

කහතුඩුව පොලිසියේ ස්ථානාධිපති ප්‍රධාන පොලිස් පරීක්ෂක තුසිත වික්‍රමරත්න මහතාගේ උපදෙස් මත රථවාහන අංශයේ ස්ථානාධිපති පොලිස් පරීක්ෂක සමන් කුමාර පොලිස් සැරයන් 1320 කුමාර, කොස්තාපල්වරුන් වන 66639 සඳමාල්, 40537 චතුරංග යන මහත්වරු පරීක්ෂණ පවත්වති.

- බිමල් ශ්‍යාමන් ජයසිංහ -