කොවිඩ් 19 වයිරසය ආසාදනය වී මහනුවර උඩවත්ත කැලේ ප්‍රදේශයේ නිවසක දී මියගිය තැනැත්තෙකුගේ බිරිදද මහනුවර ජාතික රෝහල් දි ඊයේ (10)මියගොස් ඇත. මියගිය කාන්තාවගේ සැමියා ඉකුත් 28 වැනිදා 
නිවසේ දී මියගොස් ඇති අතර ඔහුගේ මෘත දේහය පිළිබඳ පශ්චාත් මරණ පරික්ෂණයක් නොපවත්වා මහයියාව පොදු සුසාන භූමියේ දී  භූමිදාන කර ඇතැයි ද ඒ සම්බන්ධයෙන් පොලිසිය පරීක්ෂණ පවත්වමින් සිටින්නේ යැයි ද පොලිස් ආරංචිමාර්ග පවසයි.


මහනුවර රෝහලේ දී ඊයේ (10) මියගිය 63 හැවිරිදි කාන්තාව වෙනත් රෝග, කිහිපයක් හේතුවෙන් මහනුවර ජාතික රෝහලට ඇතුළත් කර ඇති අතර මෘත ශරීරය සම්බන්ධව කරන ලද පී.සී.ආර්. පරික්ෂණයෙන් හෙළිවී ඇත්තේ ඇය ද කොවිච් ආසාදිතයකු බවය.  ඇයගේ සැමියාගේ අවමංගල්‍යයට සහභාගි වූවන් සහ ඇගේ ආශ්‍රිතයන් පිළිබඳව සෞඛ්‍ය අංශ සහ ආරක්ෂක අංශ තොරතුරු සොයමින් සිටී.


-ජේ.ඒ.එල්.ජයසිංහ-