කන්ගනා රනාත්ගේ උපන් දින තෑග්ගේ කතාව

බොලිවුඩ් නිළියක වන කන්ගනා රනාත් සිය සොහොයුරිය වන රංගෝලි චන්දෙල්ට සුබ උපන්දිනයක් ප්‍රාර්ථනා කිරීම සඳහා සමාජ මාධ්‍ය වෙත යොමු වීම එරට මාධය පුවත් මවා තිබුණි. සිය සොහොයුරිය වෙනුවෙන් 

ඇයගේ උපන්දින තෑග්ග හෙළි කිරීමට ඇය මෙසේ සමාජ මාධ්‍ය වෙත ඡායාරූප කිහිපයක් මුදාහැර ඇත. එහිදී කන්ගනා රනාත් සිය සොහොයුරිය වන රංගෝලි චන්දෙල්ගේ උපන්දිනය වෙනුවෙන් මිහිරි හා පුදුමකරවනසුළු උපන් දින තෑග්ගක් ඇයට ලබා දී ඇත.

ඇය තම සොයුරියට ඉතා ආදරණීය සුරතලෙක් තෑගි ලෙස ලබා දී ඇති අතර එයට රංගෝලිද දැඩි කැමැත්තක් දක්වා තිබේ.

කෙසේවෙතත් තලෙයිවිහි අවසන් අදියර කිහිපය  සඳහා මේ වන විට හයිද්‍රාබාද්හි සිටින කන්ගනා, රංගෝලි වෙනුවෙන් සිය උපන්දින තෑග්ගෙහි ඡායාරූප උදෑසනම සමාජ මාධ්‍ය ඔස්සේ බෙදාහදාගෙන තිබුණි. තෑග්ග ලෙස ලැබුණු හුරුබුහුටි කුඩා බලු පැටියා කෙරෙහි බොහෝ ප්‍රතිචාරයන්ද ඇයට ලැබී ඇත.

එපමණක් නොව ඇය සිය නව උපන්දින තෑග්ග වන 'ගප්පු චන්දෙල්' සහ රංගෝලිගේ ඡායාරූප කිහිපයක් ද සිය සමාජ මාධ්‍ය ගිණුම් හරහා බෙදාගෙන තිබුණි. කන්ගනා හට රන්ගෝලි ඇගේ සහෝදරිය මෙන්ම අම්මා ලෙසද දැනෙන බවත් එබැවින් උපන් දින තෑග්ග ලෙස රන්ගෝලි වෙත  තම බලු පැටියා තෑගි කිරීමට තීරණය කළ බවත් අනාවරණය වී තිබේ. එහිදී කන්ගනා සටහන් කර ඇත්තේ "Happy birthday to my one and only, though Rangoli is always happy and giggly but I know essentially deep down she is a mom, here’s another addition to her family.... friends meet Gappu Chandel... " යනුවෙනි.

මීට ප්‍රතිචාර දක්වමින් රංගෝලි ද ඡායාරූප කිහිපයක් බෙදාගෙන තිබූ අතර, ඇය කන්ගනාට සිය ආදරණීය ස්තූතිය පුදකර තිබේ.

මේ අතර, කන්ගනා මේ වන විට තලෙයිවි චිත්‍රපටයෙහි කටයුතු වල නිරතවෙමින් සිටී. මෙම චරිතාපදානයේ ඇය ජේ ජයලලිතාගේ චරිතයට පණපොවනු ඇත.