පාතාලය සදහා අවි සැපයූ ප්‍රධාන පෙළේ ජාවාරම්කරුවෙකු හා අවි සන්තකයේ තබාගත් පුද්ගලයෙකු ඇඹිලිපිටිය තුංකම ප්‍රදේශයේ දී අත්අඩංගුවට ගෙන තිබෙනවා.
 

පොලිස් විශේෂ කාර්ය බලකායේ සංවිධානාත්මක අපරාධ මර්ධන ඒකකයේ නිලධාරීන් පිරිසක් මෙම සැකකරුවන් අත්අඩංගුවට ගත්තා. සැකකරුවන් සමග ගිනි අවි හා උණ්ඩ කිහිපයක් අත්අඩංගුවට ගැනීමට පොලිස් විශේෂ කාර්ය බලකාය සමත් වුණා.

නීතිවිරෝධී ක්‍රියා හා පාතාල ක්‍රියාකාරකම් සදහා මෙම පුද්ගලයින් මුදලට අවි ආයුධ සපයා තිබෙනවා. වැඩිදුර පරීක්ෂණ සදහා සැකකරුවන් කුට්ටිගල පොලීසියට භාරදීමට පොලිස් විශේෂ කාර්ය බලකාය ක්‍රියා කළා.