මාතර වැලිගම සෞඛ්‍ය වෛද්‍ය නිලධාරි කොට්ඨාසයේ ප්‍රදේශ කිහිපයකින් ඉකුත් දින දෙකේ කොරෝනා  රෝගින් 24 දෙනකුට හඳුනා ගැනීමත් සමග එහි ග්‍රාම නිලධාරි වසම් හයකට සංරන සීමා පැනවූ බව වැලිගම ප්‍රම දේශීය සෞඛ්‍ය ව
ෛද්‍ය නිලධාරි වෛද්‍ය ප්‍රදීප් කුමාර මහතා පැවැසීය.  වැලිගම සෞඛ්‍ය වෛද්‍ය කොට්ඨාසයේ ගල්බොක්ක නැගෙනහිර, ගල්බොක්ක බටහිර, කෝට්ටගොඩ, අලුත්වීදිය හා හෙට්ටිවීදිය යන ග්‍රාම නිලධාරි වසම්වලට මෙසේ සංචරන සීමා පනවා ඇති බව ඔහු සඳහන් කළේය. එම ගම්මානවලට ඇතුළුවීමට හා පිටවීමට  කිසිවකුටත් අවසර නොලැබෙන අතර පදිංචිකරුවන්ට ආහාර ද්‍රව්‍ය මිලදී ගැනීමට හැකිවන්නේ ඇතුළත පිහිටි වෙළෙඳසල්වලින් පමණකැයි ද ප්‍රදීප් කුමාර මහතා කීය.


සංචරන සීමා පනවා ඇති ගම්මානවල පිහිටි වැලිගම සිද්ධාර්ථ විද්‍යාලය, සුමංගල විද්‍යාලය හා අරෆා ජාතික පාසල දින නියමයක් නොමැතිව වසාදමා ඇති බවද ප්‍රදීප් කුමාර මහතා සඳහන් කළේය.  කොළඹ පෞද්ගලික රෝහලක සිට වැලිගම පිහිටි නිවෙසකට පැමිණිය පුද්ගලයකුගෙන් කොවිඩ් පැතිර යන්නට ඇතැයි සැක කෙරෙන බවද හෙතෙම කීය.

-ක්‍රිෂාන් ජීවක ජයරුක් -