නාගරීක ප්‍රදේශවල මළ අපද්‍රව්‍යගෙන් 90%ක් පමණ සෘජුව භූගත ජලයට එක් වන බවට ජලසම්පාදන අමාත්‍යාංශය විසින් සිදු කරන ලද පරීක්ෂණයකින් අනාවරණය වී ඇතැයි එම අමාත්‍ය වාසුදේව නානායක්කාර මහතා ප්‍රකාශ කළේය. මෙම තත්වය යටතේ භූගත ජලයේ ගුණාත්මකභාවය බොහෝ සෙයින් පහළ බැස ඇති බවට නිරීක්ෂණය වන බවත්, ඒ අනුව එම තත්ත්වයට කඩිනමින් විසඳුම් ඉදිරිපත් කළ යුතුව ඇති බවත් හෙතෙම පැවසීය. අමාත්‍යවරයා මේ බව පවසා සිටියේ ජාතික මළ අපද්‍රව්‍ය කළමනාකරණය කිරීමේ ප්‍රතිපත්තියක් නිර්මාණය කිරීමේ වැඩමුළුවකට කොළඹදී චිවෙමිනි. එහිදී වැඩිදුරටත් අදහස් දැක්වූ ඒ මහතා,
“දැනට අපගේ පර්යේෂකයන් සොයාගෙන ඇති තොරතුරුවලට අනුව මළ අපද්‍රව්‍ය 90 'පමණ
මෙම බැහැර කිරීම ක්‍රමවත් කිරීම සහ ප්‍රතිචක්‍රීයකරණ වැඩපිළිවෙළ සමගින් ජනතාව අනිවාර්යෙන් අනුගමනය කළ යුතු නිර්ණායකයන් සමග මෙම ජාතික වැඩපිළිවෙළ හඳුන්වා දීමට අප බලාපොරොත්තුවෙනවා.
අද බොහෝ සෙයින් අපගේ ගංගා, ඇළ දොළවල්වලට නිවෙලින් බැහැර කරන අපද්‍රව්‍ය, මල අපද්‍රව්‍ය එකතු වෙනවා ගංගා ගලා ගෙන එන මාවතේ පිහිටි නගරවල සියලු අපද්‍රව්‍ය කානු මගින් මෙම ගංගා, ඇළ දොළවලට හරවා තිබෙනවා.
මේ සියලු කුණු අපද්‍රව්‍ය ගංගා ඇළ දොළ, මහා සමුද්‍රය භාරගත යුතුයි යන මතය අපගේ ජන සම්ප්‍රදායේ තියෙනවා. අපි විසිකරන ඉවත දමන හැමදේම දමන්නේ කානුවලට, ඇළ පාරට. මෙම ආකල්පය අප වෙනස් කරගත යුතුයි. මෙම අපද්‍රව්‍ය ක්‍රමානුකූලව තැත්පත් කර බැහැර කිරීමේ වැඩපිළිවෙළක් ක්‍රියාත්මක කළ යුතුයි. එහි ඇති විෂ ඉවත් කිරීම අප කළ යුතුයි. මේ සම්බන්ධව ජනතාවගේ ආකල්ප වෙනස් විය යුතුයි මෙය අත්‍යාවශ්‍ය ක්‍රියාවලියක්.” යැයිද පැවසීය.
-නිදර්ශනී වික්‍රමසිංහ-
0 Comments