මානසික පීඩනය සිරුරේ ප්‍රතිශක්තිකරණය අඩු කරන බවත්, 'කොවිඩ් 19' වයිරසයට එරෙහි නිපදවත එන්නත්වල කාර්යක්ෂමතාව අඩු කිරීමට මානසික පීඩනය හේතුවක් වනුඇති බවත් ඉන්දීය විද්‍යාඥයෝ පැහැදිලි කරති. මානසික අවපීඩනය, ආතතිය හේතුවෙන්, ප්‍රතිශක්තිකරණ එන්නත්වල කාර්යක්ෂමතාව අඩුවී යන බව පැහැදිලි කළේ ‘කෝවැක්සින්' ප්‍රතිශක්තිකරණ එන්නත නිපදවා ඇති “භාරත් බයෝටෙක් ඖෂධ නිෂ්පාදන සමාගම් වෛද්‍ය පර්යේෂකයන්ය.
මේ වනවිට ඉන්දියානුවන්ට 'කොවිඩ් 19 'වයිරසය ආසාදනය වළක්වන ප්‍රතිශක්තිකරණ එන්නත් දෙකක් ලබා දීම සිදුවන අතර, එයින් එකක් වන්නේ මෙම ‘කොවැක්සින්' එන්නතය. මෙය සියයට සියයක්ම ඉන්දීය නිෂ්පාදනයකි. ‘කොවැක්සින්" එන්නත ලබා ගත් ඉන්දියානුවන් 51 දෙනකු එන්නත හේතුවෙන් අසාත්මිකතා පෙන්නුම් කර ඇති බව ලෙවෛද්‍යවරු පවසති. එම 51 දෙනාගෙන් අසාධ්‍ය තත්ත්වයට පත් වී ඇත්තේ එක් අයකු පමණක් බවත්, එම තැනැත්තාට ද කඩිනමින් ප්‍රතිකාර ලබා දීම සිදු කළ බවත් වාර්තා වේ.
ඉන්දියානුවන්ට ප්‍රධාන වශයෙන් ලබා දෙන්නේ ‘භාරත් බයෝටෙක් සමාගමේ ‘කෝවැක්සින්" එන්නත නොව, ඔක්ස්ෆර්ඩ් විද්‍යාඥයන් සහ ඇස්ට්‍රාසෙනකා ඖෂධ නිෂ්පාදන සමාගම නිපදවා ඇති එන්නතය. මෙම එන්නත ඉන්දියාවේ පූනේ හි පිහිටි ‘සේරම්'' සමාගම මහා පරිමාණයෙන් නිපදවයි. ඒ, “කොවිෂිල්ඩ්' යන නමිනි.
0 Comments