හරිත අලුත්ගේ මහතා මේ බව පැවසුවේ කොළඹ දී ඊයේ (21) පැවති මාධ්‍ය හමුවකදීය.කොවිඩ් වයිරසය ආසාදනය වීමෙන් සිදුවන මරණ පාලනය කිරීම සඳහා විධිමත් වැඩපිළිවෙළක් අවශ්‍ය බව ද ඔහු සඳහන් කළේය.
ජනවාරි මාසයට සාපේක්ෂව පෙබරවාරි මාසයේ සිදුවී ඇති මරණ සංඛ්‍යාවේ ශීඝ්‍ර වර්ධනයක් තිබෙන බව ද අලුත්ගේ මහතා කීවේය.මරණවලින් සියයට 70ක්ම වයස අවුරුදු 60ට වැඩි අය නිසා ඔවුන්ට එන්නත් ලබාදීම ඉතා වැදගත් බව කී වෛද්‍යවරයා මේ වන විට එන්නත්කරණය සම්බන්ධයෙන් නිසි මාර්ගෝපදේශයක් ක්‍රියාත්මක නොවන බව ද පැවසීය. එන්නත්කරණය සම්බන්ධයෙන් විධිමත් සැලසුමක් මුලදී සකස් කර තිබුණත් මේ වන විට එය වෙනස් වී තිබීම හේතුවෙන් සෞඛ්‍ය අංශ ද අසීරුතාවට පත්ව ඇතැයි අලුත්ගේ මහතා සඳහන් කළේය.තමන් එන්නත ලබාගත යුත්තේ කෙසේ ද? නිවෙස්වල සිටින රෝගී පුද්ගලයන්ට කඩිනමින් එන්නත ලබාගත හැකි ද ආදිය සම්බන්ධයෙන් ජනතාවට ද නිසි අවබෝධයක් නැතැයි කී වෛද්‍යවරයා නිසි සැලැස්මකින් තොර මෙම කටයුතු හේතුවෙන් සෞඛ්‍ය වෘත්තිකයන් විඩාවට පත්ව ඇතැයි ද කීවේය.
(ඩයනා උදයංගනී)
0 Comments