බීමතුන් තිදෙනා පැදවූ රථය කටුපිටියෙදී 33000v වැදී දැවී අළුව ගිය හැටි

කුරුණෑගල - රඹුක්කන ප්‍රධාන මාර්ගයේ කටුපිටිය ප්‍රදේශයේදී ඊයේ (08) රාත්‍රියේ මෝටර් රථයක් අධි බලැති රැහැන් පද්ධතියක ගැටී දැවී අළුවී ගොස් තිබේ.

වාර්තාවන ආකාරයට බීමතින් ගමන් කළ තිදෙනෙකු මෙම වාහනයේ ගමන් කර තිබෙන අතර මෝටර් රථය මාර්ගයෙන් ඉවත පැන අසල තිබූ අධි බලැති විදුලි කණුවක ගැටීමෙන් පසු ගිනි ගැනීමකට ලක්ව තිබේ. ගින්න පැතිර යන අවස්ථාවේ එහි සිටි පුද්ගලයින් වාහනයෙන් ඉවතට පැන දිවිබේරාගෙන තිබෙන නමුත් වාහනය ඉතා විනාශකාරී ලෙස දැවී අළුවී ගොස් ඇත්තේ අධිබල රැහැන් පද්ධතියේ 33000v විදුලිය සක්‍රීය වීමෙනි.

ගිනි ගැනීමෙන් මෝටර් රථය සම්පූර්ණයෙන්ම විනාශ වී ඇති අතර විදුලි කණුවට ද බරපතල හානි සිදුවිය.
අනතුර සිදුවන අවස්ථාවේ මෝටර් රථයේ පුද්ගලයින් තිදෙනාගෙන් දෙදෙනෙක් පොදු දේපළ හානි කිරීම යටතේ පොලිස් අත්අඩංගුවට ගැනීමට පොලිසිය ක්‍රියාකර තිබේ. අත්අඩංගුවට ගන්නා අවස්ථාව වනවිට අනෙක් පුද්ගලයා පළාගිය බැවින් පොතුහැර පොලිසිය මේ වනවිට ඔහුව සොයමින් සිටී