තමන්ට හොරෙන් තවත් පෙම් සබඳතාවක් පවත්වාගෙන යෑමේ සිද්ධියක් සැලවූ අනියම් පුරුෂයෙකු සිය අනියම් බිරිය සමග ඇති කරගත් කලහයෙන් පසු තියුණු ආයුධයකින් පහරදී ඇගේ කට කපා බරපතළ තුවාල කිරීමේ සිදුවීමක් කිරුළපන නාගස්වත්ත පෙදෙසින් වාර්තා විය.
විවාහකයෙකු බව කියන මෙම පුද්ගලයා එම ප්‍රදේශයේම පදිංචි 35 හැවිරිදි විවාහක කාන්තාවක සමඟ අනියම් සම්බන්ධතාවක්
පවත්වාගෙන ගොස් ඇති අතර ඇය වෙනත් පුද්ගලයකු සමඟ තවත්
ඇතැයි පොලිසිය කියයි.
මේ අතර සැකකරු නිරන්තරයෙන් ඇය පිළිබඳව විමසිල්ලෙන් සිටින අතරතුරදී අනියම් සබඳතාව පවත්වාගෙන
යන බවට සැකකෙරෙන පුද්ගලයාගේ ඥාතියකුගේ නිවෙසක් අසල මෙම කාන්තාව රැඳී සිටිනු දැක ඒ
පිළිබඳව උරණවී ක්‍ෂණයකින් ක්‍රියාත්මක වූ සැකකරු උල් පිහියකින් ඇන කට කපා බරපතළ තුවාල කර ඇති
බව පොලිසිය පවසයි. බරපතළ තුවාල ලැබූ කාන්තාව ප්‍රතිකාර සඳහා කළුබෝවිල ශික්‍ෂණ රෝහලට
ඇතුළත් කළ බව පැවැසේ.
කළ විමර්ශනයකදී පහරදීමට භාවිත කළ තියුණු ආයුධයද සමඟ සැකකරු කිරුළපන නාගස්වත්ත ප්‍රදේශයේ
නිවෙසක සැඟවී සිටියදී අත්අඩංගුවට ගත් බව පොලිසිය පවසයි.
මෙසේ අත්අඩංගුවට ගෙන ඇත්තේ කිරුළපන නාගස්වත්තේ ප්‍රදේශයේ පදිංචි (42) හැවිරිදි දෙදරු පියෙකි.
සැකකරු අලුත්කඩේ අංක තුන අධිකරණයට ඉදිරිපත් කිරීමට නියමිතය.
පන්නිපිටිය _ හෂාන් පුෂ්පික
0 Comments