ගාල්ල - මාතර ප්‍රධාන මාර්ගයේ මිහිරිපැන්න ප්‍රදේශයේ දී අද (10) උදෑසන සිදුවු රිය අනතුරකින් යතුරුපැදියක ගමන් ගත් පුද්ගලයෙක් බරපතළ තුවාල ලබා තිබේ.



මාතර සිට අධික වේගයෙන් ධාවනය වී ඇති යතුරුපැදිය එම දිශාවෙන් ම පැමිණි කුඩා ලොරි රථයක් පසුකර යෑමට උත්සහ දැරීමේ දී ඉදිරියෙන් පැමිණි පෞද්ගලික බස්රථයක ගැටී අනතුර සිදුව ඇත.



එම අවස්ථාවේ දී යතුරුපැදිය මාර්ගයේ පෙරළී ගොස් යතුරුපැදිකරු බරපතළ තුවාල ලබා ඇති අතර, ඔහුව කරාපිටිය රෝහලට ඇතුළත් කර තිබේ.

එලෙස අනතුරට ලක්ව ඇත්තේ වයස අවුරුදු 26ක තරුණයෙකි.

අනතුර පිළිබඳ වැඩිදුර විමර්ශන හබරාදුව පොලීසිය පවත්වනු ලබයි.

අනතුර සිදුවන අවස්ථාව ඒ අසල වු CCTV කැමරාවක මෙලෙස සනිටුහන්ව තිබුණි.