COVID-19 එන්නත මාත්‍රා 264,000 ක් අද උදෑසන කොළඹට පැමිණ ඇත.   යුනිසෙෆ් ආයතනය COVAX පහසුකම හරහා සෞඛ්‍ය අමාත්‍යාංශය වෙත පළමුවෙන්ම සම්පාදනය කිරීමට සැලසුම් කර ඇති සමස්ත ඇස්ට‍්‍රා සෙනෙකා එන්නත් ප‍්‍රමාණය වන මිලියන 1.44න් කොටසක් ලෙස මෙම මාත‍්‍රා 264,000ක තොගය ශ‍්‍රී ලංකාව වෙත සම්පාදනය කර ඇත.
ඉදිරි කාලය තුළදී ජනගහනයෙන් සියයට 20කට තීරණාත්මක එන්නත්කරණ සහාය සම්පාදනය කරනු ඇත. වඩාත් ම අවදානම් සහගත බලපෑමකට ලක්ව ඇති ප‍්‍රදේශවල ජීවත් වන අවුරුදු 60ට වැඩි වයස් කාණ්ඩයට අයත් පුද්ගලයන්ට එන්නත් කෙරෙනු ඇත.




මෙම එන්නත් තොගය රාජ්‍ය ඇමතිනී වෛද්‍ය සුදර්ශනී ප්‍රනාන්දු පුල්ලේ ඇතුළු සෞඛ්‍ය අමාත්‍යාංශයේ නිලධාරීන් භාරගත් ආකාරය ඡායාරූප වල දැක්වේ.