🔥 මාර්තු 15 බස්නාහිර පාසල් පන්ති කොටසක් අරින්න අනුමැතිය

අද උදෑසන අධ්‍යාපන ඇමති ජීඑල් පීරිස් සඳහන් කළේ ලබන මාර්තු 15 සිට බස්නාහිර පළාත හැර දිවයිනේ සියලු පාසල් නැවත විවෘත කරන බවකි. සෞඛ්‍ය අංශ නිර්දේශ අනුව බස්නාහිර පළාත සම්බන්ධ තීරණය දින 2 කින් පවසන බවද දන්වා තිබුණි.

මේ අතර දින දෙකක් නොයා අද (8) සවසම සෞඛ්‍ය සේවා අධ්‍යක්ෂවරයා ඒ  සම්බන්ධ තීරණයක් දැනුම් දී ඇති අතර ඒ අනුව පිට පළාත් සමග බස්නාහිර පළාතේ පාසල්වලින් තෝරාගත් ශ්‍රේණි කිහිපයක අධ්‍යයන කටයුතු ආරම්භ කිරීමට අනුමැතිය ලබාදී ඇත. විභාග සඳහා අත්‍යවශ්‍ය ශ්‍රේණි වන 5 ශ්‍රේණිය, සාමාන්‍ය පෙළ හා උසස් පෙළ පන්ති පමණක් ලබන 15 වනදා සිට බස්නාහිර පළාතේ විවෘත වනු ඇති බව සෞඛ්‍ය සේවා අධ්‍යක්ෂ ජනරාල් උපුටමින් අධ්‍යාපන ඇමතිවරයා දන්වා සිටී.