ඉන්දියාවේ ඔඩුදුවා ඇති කොරෝනා වෛරස් වසංගතය අවම කිරීම පිණිස හමුදාවද සූදානම් කිරීමට අගමැති මෝදි තීරනය කර තිබේ.
මීට වසර 2 කට පෙර හමුදාවෙන් විශ්‍රාම ගත් වෛද්‍ය කාර්ය මණ්ඩලය නැවත කැඳවීමට මේ අනුව තීරණය කර ඇති අතර, කෝවිඩ් මධ්‍යස්ථානවල භාරකරුවන් බවට ඔවුන් පත් කර තිබේ.
ආරක්ෂක මාණ්ඩලික ප්‍රධානී (සීඩීඑස්) ජෙනරාල් බිපින් රාවට් සඳුදා අග්‍රාමාත්‍ය නරේන්ද්‍ර මෝදි හමුවි මේ ගැන ඉහළ පෙලේ සාකච්ඡාවක් පැවැත්වීය. මෙහිදී වසංගතයට මුහුණ දීම සඳහා හමුදාවේ සූදානම සහ මෙහෙයුම් පිළිබඳව අග්‍රාමාත්‍යවරයා දැනුවත් කළේය. ඉන්දියානු ගුවන් හමුදාවේ ගුවන් යානා එරට බොහෝ ප්‍රදේශවල ඔක්සිජන් සැපයුමට සහාය වේ. රෝහල්වල සාමාන්‍ය ජනතාවට ප්‍රතිකාර කිරීම සඳහා ද හමුදාව යොදා තිබේ.
විශ්‍රාමික සේවකයින් කැඳවීම ගැන තීරණය ජෙනරාල් රාවට් මෝඩි සමග සාකච්ඡාවේ ප්‍රතිඵලයකි. පසුගිය වසර දෙක තුළ විශ්‍රාම ගිය හෝ පූර්ව පරිණත විශ්‍රාම ගිය වෛද්‍ය කාර්ය මණ්ඩලය හමුදාවට නැවත කැඳවා ඇති බව වාර්තා විය. මේවා ක්‍රම දෙකකින් යොදවනු ලබන බවත් ඔවුන් කෝවිඩ් මධ්‍යස්ථානවල යොදවීමට නැතහොත් ඔවුන් ජීවත් වන ස්ථාන වල සිට සේවය කරන ලෙස ඉල්ලා ඇත.
විශ්‍රාමික වෛද්‍ය නිලධාරීන්ට හදිසි උපකාරක දුරකථන මාර්ගයෙන් ජනතාවට උදව් කරන ලෙස ඉල්ලා ඇත. නාවික, යුද හා ඉන්දියානු ගුවන් හමුදාවේ සියලුම අණදෙන මූලස්ථානවල සේවය කරන නිලධාරීන්ගේ සේවය ද භාවිතා කෙරේ.
හමුදාවේ වෛද්‍ය යටිතල පහසුකම් සාමාන්‍ය ජනතාව සඳහා යොදා ගන්නා බව රාවට් පැවසීය. මේ හැරුණු විට රට පුරා ඔක්සිජන් ලබා දීම සඳහාද ගුවන් හමුදාව මෙහෙයුම් ක්‍රියාත්මක කරයි.
මෙම තොරතුරු අගමැති කාර්යාලය විසින් නිවේදනයක් මගින් ලබා දී ඇත.
0 Comments