එක්සත් රාජධානියේ ඔක්ස්ෆර්ඩ් විශ්ව විද්‍යාලයේ පර්යේෂක කණ්ඩායමක් එන්නත් මිශ්‍ර කිරීම සම්බන්ධයෙන් කළ නවතම පර්යේෂණයක ප්‍රතිඵල medical news today වෙබි අඩවිය මගින් ප්‍රසිද්ධ කර තිබෙන අතර ලෝකයේ වඩාත් පිළිගැනීම ඇති වෛද්‍ය විද්‍යා ජර්නලයක් වන thelancet (Link) උපුටා දක්වමින් මෙම විස්තරය පළ කර ඇත.
එම පර්යේෂණයේදී ඇස්ට්‍රාසෙනෙකා එන්නත ලබාදී සති 4 කට පසුව හෝ ඊට වැඩි කාලයකදී ෆයිසර් එන්නත ලබා දීම පිළිබඳව විමර්ශනය කර තිබේ.
ඔවුන්ගේ අවසන් නිගමනය වී ඇත්තේෙ මෙම මිශ්‍ර එන්නත් ලබාදීම අසාර්ථක බවයි. කාලසටහනට අනුව දෙවරක් එකම එන්නත ලබා දීමට සාපේක්ෂව දෙවන මාත්‍රාව වෙනස් කිරීමෙන් පසුව නිතර අතුරු ආබාධ ඇති කරවන බව එහි සදහන්වේ.
මේ ආකාරයෙන් එන්නත් කාලසටහන මිශ්‍ර කිරීමෙන් ඇතිවූ බලපෑම පිළිබඳව දැනටමත් ප්‍රතිඵල ලැබී ඇති බවත් ඔවුන් කරුණු දක්වයි.
එම පර්යේෂණයට එක්වූ ස්වේච්ඡා පුද්ගලයික් අත්විඳින අතුරු ආබාධ පිළිබඳව ද ලැන්සෙට් ට්‍රස්ට් ප්‍රභවයේ මූලික දත්ත විශ්ලේෂණයක් වාර්තා කර තිබේ.
ඔක්ස්ෆර්ඩ් විශ්ව විද්‍යාලයේ ළමා රෝග හා එන්නත් විද්‍යාව පිළිබඳ මහාචාර්ය මැතිව් ස්නේප් ඒ ගැන මෙසේ පැහැදිලි කරයි.
“මෙම අධ්‍යයනයේ ප්‍රතිඵල වලින් පෙනී යන්නේ ප්‍රතිශක්තිකරණයෙන් පසු ලබාදෙන මිශ්‍ර මාත්‍රාව මුල් එන්නතේ අපේක්ෂාවන්ට හානිකර වන බවයි. සෞඛ්‍ය සේවකයින්ගේ ප්‍රතිශක්තිකරණය සැලසුම් කිරීමේදී මෙය සැලකිල්ලට ගත යුතුය. මෙහි අතුරු ආබාධ ඇතත් ආරක්ෂිත ගැටළු හෝ සංකූලතා නිශ්චිත නොමැත. අවසන් ප්‍රතිශක්තිකරණ ප්‍රතිචාරයට එය බලපානු ඇත්දැයි තවම මෙමගින් අපට නොකියයි.
ඉදිරි මාසවලදී මෙම දත්ත වාර්තා කිරීමට අපි බලාපොරොත්තු වෙමු. මේ අතර, පැරසිටමෝල් නිතිපතා භාවිතා කිරීමෙන් මෙම ප්‍රතික්‍රියා අඩු වේද යන්න තක්සේරු කිරීම සඳහා අපි දැනට කරගෙන යන අධ්‍යයනය අනුවර්තනය කර ඇත්තෙමු. ”
මෙම අධ්‍යයනයෙන් වයස අවුරුදු 50 හෝ ඊට වැඩි පුද්ගලයින්ගේ දත්ත පමණක් භාවිතා කර ඇති බව පර්යේෂකයෝ සටහන් කරති, එබැවින් සොයාගැනීම් තරුණ තරුණියන්ට අදාළ නොවනු ඇත.
0 Comments