ශ්‍රී ලංකා පොදුජන පෙරමුණේ ජාතික සංවිධායක බැසිල් රාජපක්ෂ මහතා අද (12) උදැසන ඇමරිකාව බලා පිටත්ව ගිය බව එම පක්ෂයේ මහලේකම් නීතිඥ සාගර කාරියවසම් මහතා පවසයි.
කාරියවසම් මහතා සඳහන් කරන්නේ බැසිල් රාජපක්ෂ මහතාට අවශ්‍යව ඇති වෛද්‍ය ප්‍රතිකාර ලබාගැනීම සඳහා ඔහු මෙලෙස ඇමරිකාව බලා පිටත්ව ගිය බවකි.
ජනාධිපතිවරයා විසින් පත්කළ ‘දේශගුණික විපර්යාසයන්ට තිරසාර විසඳුම් සහිත හරිත ශ්‍රී ලංකාවක් ඇති කිරීමේ ජනාධිපති කාර්ය සාධක බලකාය’ නමින් වූ අලුත්ම ජනාධිපති කාර්ය සාධක බලකායේ ප්‍රධානියා වන්නේද බැසිල් රාජපක්ෂ මහතායි.
බැසිල් රාජපක්ෂ මහතා අද 12 අලුයම 3.15 ට එමිරේට්ස් ගුවන් සේවයේ ඊකේ 649 යානයෙන් ඩුබායි හරහා ඇමරිකාවට පිටව ගොස් ඇත.
0 Comments