හැරී කුමරුගේ සහ මේගන් මාක්ල්ගේ ආදරණීය පුත්‍රයාට ඊයේ බ්‍රහස්පතින්දාට වයස අවුරුදු දෙකකි. ඔහු එක්සත් රාජධානියේ ඔහුගේ රාජකීය පවුලෙන් වෙන්වුණ සාමාජිකයෙකු වුවද උපන් දිනය වෙනුවෙන් වෙනදා මෙන්ම ලැබුණ ආදර සැමරුම් වලින් අඩුවක් නොලද බව විදෙස් මාධ්‍ය වාර්තා කර තිබේ.
දෙවන එලිසබෙත් රැජින නියෝජනය කරන ‘රෝයල් ෆැමිලි‘ නිල රාජකීය පවුලේ ට්විටර් ගිණුම, හැරී සහ මේගන් ඔවුන්ගේ අලුත උපන් පුතා සමඟ වින්ඩ්සර් කාසල්හි මිහිරි පවුලේ ඡායාරූපයක් බෙදාහදා ගනිමින්, "අද දින 2 වන උපන්දිනයට සුබ පතනවා" යනුවෙන් ලියා තිබුණි.
චාල්ස් කුමරු හැරී සහ ආර්චි සමග ඔහු සිටින කළු-සුදු ඡායාරූපයක් බෙදා ගත්තේය. ආර්චී සමඟ ඔහුගේ පෞද්ගලික නත්තල් උත්සවයේදී ලබාගත් එකකි.
විලියම් කුමරු සහ කේට් මිඩ්ල්ටන් ආචීගේ නත්තල් සේවයේ කණ්ඩායම් ඡායාරූපයක් පළ කළහ.
රාජකීය පවුල සහ සසෙක්ස් හි ආදිපාදවරිය සහ ආදිපාදවරිය අතර පවතින නොසන්සුන්තාවය මධ්‍යයේ මෙම අවස්ථාව සමරන්නට ලැබී තිබේ.
හැරී මෙගන් යුවළ 2020 දී රාජකීය පවුලෙන් ඉල්ලා අස්වීමට තීරණය කළ අතර මෙම වසර මුලදී එම තීරණය නිල වශයෙන් පිළිගැනුමට ලක් විය. මාර්තු මාසයේදී මෙම යුවළ ඔප්රා වින්ෆ්‍රේ සමඟ සම්මුඛ සාකච්ඡාවකට සහභාගී වූ පළ කළ ආන්දෝලනාත්මක අදහස් අතර “ආචීගේ උපත සිදු වන විට ඔහුගේ සම කෙතරම් අඳුරු විය හැකිද යන්න පිළිබඳව කනස්සල්ල හා සංවාද” පවුලේ පැනනැගි බව ප්‍රකාශ කර තිබුණත් ඒ කතා කිව්වේ කවුදැයි සෘජුව පවසා නොතිබිණි.
මෑතකදී සිය සීයා වන පිලිප් කුමරුගේ අවමංගල්‍ය කටයුතු සඳහා හැරී පමණක් එක්සත් රාජධානියට පැමිණ සිය පවුලේ අය සමඟ නැවත එක්විය.
කොරෝනා වෛරස් වසංගතය නිසා ඔහු සහ මේගන් පසුගිය වසර පුරා එක්සත් රාජධානියට පැමිණීම වළක්වා ඇත. ආරංචි මාර්ග වලට අනුව හැරී විලියම් සමඟ ඔවුන්ගේ මව වන අභාවප්‍රාප්ත ඩයනා කුමරියගේ සැමරුම වෙනුවෙන් කටයුතු කරමින් සිටින අතර ජූලි මාසයේ ඩයනාගේ 60 වන උපන්දිනය ඉහළින් සැමරීමට සැලසුමක් ඇත.
0 Comments