එංගලන්තයේදී ආරම්භ වීමට නියමිත 'ද හන්ඩ්‍රඩ්' ක්‍රිකට් තරගාවලියට එක්වන විස්තර විචාරකයන්ගේ නාමලේඛනයට ශ්‍රී ලංකා ක්‍රිකට් කණ්ඩායමේ හිටපු නායක කුමාර් සංගක්කාරගේ නමද එක්කර තිබේ. ඒ එම නාමලේඛනය පසුගියදා ප්‍රකාශයට පත් කිමත් සමගිනි.තරගාවලියේ නිල විකාශන අයිතිය හිමි ස්කයි පෝර්ට්ස් නාලිකාව එම නම් මේ වනවිට නිල වශයෙන් නිවේදනය කර තිබේ.
කෝවිඩ්-19 වසංගතය හේතුවෙන් පසුගිය වසරේදී පැවැත්වීමට නොහැකි වූ මෙම තරගාවලිය මෙම වසරේ ජූලි මස 21 වැනිදා ආරම්භ වීමට නියමිතය.
කුමාර් සංගක්කාරට අමතරව ඉන්දීය ක්‍රිකට් ක්‍රීඩක දිග්නේෂ් කාර්තික්, හිටපු එංගලන්ත ක්‍රීඩකයන් වන ඇන්ඩෲ ෆ්ලිටොෆ් සහ කෙවින් පීටර්සන්, එංගලන්ත වේග පන්දු යවන ක්‍රීඩක ටුවට් බ්‍රෝඩ්, හිටපු එංගලන්ත වේග පන්දු යවන ක්‍රීඩක ටුවට් බ්‍රෝඩ්, හිටපු ක්‍රිකට් ක්‍රීඩකයන් වන බටහිර ඉන්දීය කොදෙව් ක්‍රීඩක ඩැරන් සැමී සහ පාකිස්තානයේ වසීම් අක්‍ර විස්තර විචාරයට එක්ව සිටිති.මීට අමතරව ඔට්‍රේලියානු හිටපු ක්‍රිකට් ක්‍රීඩිකා මෙල් ජෝන්ස්, නසාර් හුසේන්, එබොනි ෆෝර්ඩ්-බෙට්, රොබ් කී, ඩේවිඩ් ලොයිඩ්, මයිකල් ඇත්තන් සහ මාක් බුවර් 'ද හන්ඩ්‍රඩ්' තරගාවලියට විස්තර විචාරයෙන් එක්වීමට නියමිතය.
0 Comments