ප්‍රකට බොලිවුඩ් නිළි කරීනා කපූර් ඛාන් ගර්භාෂයේ සිටින ළදරුවකුගේ අල්ට්රා සවුන්ඩ් ස්කෑන් රූපයක් ඉන්ස්ටර්ග්‍රෑම් පිටුව ඔස්සේ රසිකයින් සමග බෙදාගෙන ඔවුන් අන්දමන්ද කර තිබේ, ඇගේ රසිකයන් එයට විශේෂ ප්‍රතිචාර එක්කර තිබේ.
ඇගේ ඉන්ස්ටග්‍රෑම් සටහනේ දක්වා ඇත්තේ 'සිත් ඇදගන්නා සුළු දෙයක් ළඟදීම පැමිණේ' ලෙසිනි.
කරීනා කපූර් ඛාන් ඉන්දීය නිලියන් අතර සමාජ මාධ්‍යවල වඩාත් ක්‍රියාකාරී නිළියකි. බෙබෝ යන සුරතල් නාමයෙන් ඇයව හඳුන්වන අතර ඇය වැඩිදුරටත් මෙසේ ලිවාය, "සිත් ඇදගන්නා සුළු දෙයක් ළඟදීම පැමිණේ .. නමුත් එය ඔබ සිතන දෙය නොවේ ... වැඩි ඉඩක් සඳහා මෙම අවකාශය නරඹන්න. #ComingSoon." ලෙසිනි.
මෙම ඉඟියෙන් අදහස් වන්නේ කරීනා ගැබ්ගෙන ඇති බවක් නොවේ. නමුත් මෙය වෙනත් ප්‍රවර්ධන කටයුත්තක් විය හැකිය.
ඇයගේ 'ආකර්ෂණීය' ව්‍යාපෘතිය ගැන ඇය අවසානයේ හෙළි කරන තුරු රසිකයින්ට බලා සිටීමට සිදුවනු ඇත.
බෙබෝ සහ සයිෆ් අලි ඛාන් මේ වසර මුලදී ඔවුන්ගේ දෙවන දරුවා ලෙස පුතෙකු පිළිගන්නා ලදි.
0 Comments