නීති විරෝධී ලෙස අල්ලා ගත් අලි ජාවාරම්කරුවන් වෙත ආපසු ලබා දීමට රජය ගත් තීරණයට විරෝධය පළ කරමින් ජාතික සත්වෝද්‍යාන දෙපාර්තමේන්තුවේ අධ්‍යක්ෂ ජනරාල් ඉෂිනි වික්‍රමසිංහ සිය ධුරයෙන් ඉල්ලා අස්වී තිබේ.
දැනට රාජ්‍ය ආරක්‍ෂාව තුළ රඳවාගෙන සිටින අලි ඇතුන් කිහිප දෙනෙකුම ඔවුන්ගේ කලින් අයිතිකරුවන් වෙත ආපසු ලබා දීමට පාර කැපූ ගැසට් පත්‍රයක් රජය පසුගියදා නිකුත් කලේ අලි ඇතුන් ආරක්‍ෂා කිරීමේ උවමනාවක් දක්වමිනි.
නීතිපතිවරයාගේ උපදෙස් මත අපරාධ පරීක්ෂණ දෙපාර්තමේන්තුව ඉදිරිපත් කිරීමෙන් පසු මහේස්ත්‍රාත් අධිකරණය ගත් තීරණයකට අනුව
අලි ඇතුන් කිහිප දෙනෙකු පින්නවල සහ උඩවලව අලි නිවාස වලින් ඉවත් කර තිබේ.
නීති විරෝධී අලි ඇතුන් ආපසු ලබා දීම පිටුපස වනජීවි අමාත්‍යාංශයේ ලේකම්වරයා හීලෑ අලි හිමියන්ගේ සංගමය සහ අල්ලා ගත් අලි වෙනුවෙන් ලෝභකම් කරන භික්ෂූන් වහන්සේලා සිටින බවත් පසුගිය වසර 1 සහ මාස 9 ක කාලය තුළ ඇයව සිය තනතුරෙන් ඉවත් කිරීමට ඔවුන් උපරිම උත්සාහයක් ගත් බවත් වාර්තාවේ.
රිදියාගම සෆාරි උද්‍යානයේදී හිංසනයට ලක් වූ කලණ, විශ්ව සහ කණ්ඩුල යන අලි ඇතුන් වෙනුවෙන්ද ඇය සත්කාර කර තිබුණි.
ජාතික සත්වෝද්‍යාන දෙපාර්තමේන්තුවට ප්‍රගතිශීලී වෙනස්කම් කිහිපයක් හඳුන්වා දීමේදී දැඩි උද්‍යෝගිමත් පරිසර ක්‍රියාකාරිකයෙකු වූ වික්‍රමසිංහ සත්ත්වෝද්‍යානයේදී COVID-19 රෝගයට ගොදුරු වූ සතුන්ට උපකාර කිරීමට ගත් උත්සාහය තුළින් සංරක්‍ෂකයින්ගේ ගෞරවය ද දිනා ගත්තාය.
ඇය මෙතෙක් එම තනතුර දැරූ හොඳම, අව්‍යාජ, දූෂිත නොවන අධ්‍යක්ෂ ජනරාල්වරිය බවට ක්ෂෙත්‍රයෙහි කතාබහක් තිබුණි. ඉෂිනි වික්‍රමසිංහ යනු රනිල් වික්‍රමසිංහ හිටපු අගමැතිවරයාගේ සොයුරු ෂාන්ගේ දියණියකි.
ෂාන් හා ඉෂිනි දෙදෙනා ටීඑන්එල් නාලිකාවේ අධ්‍යක්ෂ මණ්ඩලයේ සිටිති.
එජාපයට පක්ෂපාත බවට පිළිතැනීමක් තිබූ ටීඑන්එල් නාලිකාව
පසුගිය ජනාධිතිවරණ මැතිවරණ සමයේ සජිත් වෙනුවට ගෝඨාභය රාජපක්ෂ දිනවීම වෙනුවෙන් කටයුතුකළ අතර නව රජය යටතේ ඇයට මෙම අධ්‍යක්ෂ පදවිය ලැබි තිබිණි.
ඇගේ ඉල්ලා අස්වීමේ ලිපිය ලැබුණ බව වනජීවී රාජ්‍ය ඇමති විමලවීර දිසානායක දන්වා සිටියේය.
0 Comments