ශ්‍රී ලංකාවේ ප්‍රකට ව්‍යාපාරිකයෙකු වන කහවත්ත ගුරුගේ මැණික් අධිපති ජිනදාස ගුරුගේ මහතා අද (6) උදෑසන කොළඹ පුද්ගලික රෝහලකදී අභාවප්‍රාප්ත වූයේය. මියයනවිට ඔහු 86 වන වියෙහි පසුවිය.
1938 නත්තල් දිනයේදී උපත ලැබූ ගුරුගේ පස් දෙනෙකුගෙන් යුත් පවුලක වැඩිමලා ය. කහවත්ත මහා විද්‍යාලයෙන් අධ්‍යාපනය ලැබීමෙන් පසු ඔහු තම උපන් නගරය වටා ඇති මැණික් පතල් කෙරෙහි උනන්දුවක් දැක්වීමට පටන් ගත්තේය. පතල් වල වැඩ කිරීම සහ ගැනුම්කරුවන් සහ විකුණුම්කරුවන් අතර ගනුදෙනු නිරීක්ෂණය කිරීම ඔහු මැණික් කර්මාන්තයේ මුලකුරු ඉගෙන ගත්තේය.
වයස අවුරුදු තිහේදී කහවත්ත විද්‍යාල මාවතේ ඔහු තමාගේම කාර්යාලයක් සමඟ කර්මාන්තයට පිවිසියේය. ඔහු සතුව මැණික් පතල් 15 කට වැඩි ප්‍රමාණයක් තිබේ.
මේ වනවිට ඔහුගේ ව්‍යාපාරය තවදුරටත් පුළුල් කර සිය දරුවන් වෙත ලබාදී ඇති අතර දැවැන්ත ගොඩනැගිල්ලකට ව්‍යාපාරය මාරුවී ඇත.
දැඩි අධිෂ්ඨානයෙන් හා වෙහෙස මහන්සි වී වැඩ කිරීමෙන් පමණක් නොව මැණික් කර්මාන්තයේ සාර්ථක වීමට කෙනෙකුට වාසනාව අවශ්‍ය බවත් ගුරුගේ මහතා සම්මුඛ සාකච්ඡාවලදී පවසා තිබේ.
තමන්ගේ වාසනාව තමාගේ බිරිඳගෙන් ලද බව ඔහු විශ්වාස කරයි.
සියලු ව්‍යාපාර කටයුතු සාර්‍ථකත්‍වය පිටුපස සිටි බලවේගය වශයෙන් ඔහු ඇයව හඳුන්වා දී තිබුණි.ඔවුනගේ පවුලේ දරුවන් 07 දෙනෙකි.
රත්නපුර ප්‍රදේශයේ මැණික් කර්මාන්තය දියුණු කිරීමට තදින් වෙහෙසුණ ගුරුගේ මහතා නවකයින්ට උදව් කිරීමට සහ උපකාර කළ අයෙකි.
ව්‍යාපාරික වශයෙන් හෝ වෙනත් ඕනෑම අවස්ථාවක ඔහුව බැලීමට එන ඕනෑම අයෙකු කිසි විටෙකත් හිස් අතින් නොගිය බවද ප්‍රකටය. දුප්පතුන්ට අධාර කිරීම, සමාජයට විහාරවලට උදව් කිරීම ඔහුගේ කටයුතු අතර තිබුණි.
0 Comments