එන්නත් සියයට 80 සම්පූර්ණ කරන අඟහරුවාදා සිට මෙල්බර්න් නුවර සීමා ලිහිල් වේ

ඕස්ට්‍රේලියාවේ කොරෝනා එන්නත් මේ වනවිට මිලියන 26 කට වඩා වැඩි ප්‍රමාණයක් ලබා දී ඇති අතර නිව් සවුත් වේල්ස් සිය 70 % එන්නත් ඉලක්කය අවසන් කර ඇත.ෆෙඩරල් සෞඛ්‍ය ඇමති ග්‍රෙග් හන්ට් කියා සිටියේ
ගතවූ දින හත තුළ කෝවිඩ් -19 මාත්‍රා මිලියන දෙකකට වඩා ලබාදී වාර්තාවක් පිහිටවූ බවය.

"අපි පළමු මාත්‍රාවන් මිලියන 15.6 ක් ලබා දී අවසන්. සියයට 80 ක මාත්‍රාව ලබා ගැනීම සඳහා ඉදිරියට ඕස්ට්‍රේලියානුවන් 870,000 කටත් වඩා අඩු සංඛ්‍යාවක් විතරයි ඉන්නෙ" හන්ට් මහතා පැවසීය.
"අපගේ වඩාත්ම අවදානමට ලක්විය හැකි ජනගහනය වන්නේ අපේ ආරක්‍ෂිතම ජනගහනය වන අතර ඇත්තෙන්ම අපේ නේවාසික වයස්ගත සත්කාර සේවකයින්ගෙන් සියයට 99 ක්ම එන්නත ලබාගෙන ඇත."
සුදුසුකම් ලත් ජනගහනයෙන් සියයට 75 කට වැඩි පිරිසකට දැන් අවම වශයෙන් එක් එන්නත් මාත්‍රාවක් හෝ ලැබී ඇති අතර ජාතික ද්විත්ව මාත්‍රාව සියයට 51.5 ක් ලෙස පවතී.
‍
වික්ටෝරියා ප්‍රාන්තයේ මාර්ග සිතියමේ කොටසක් ලෙස, සියයට 80 ක තනි මාත්‍රා එන්නත ලබා ගත් පසු, ප්‍රාන්තය පුරා සමහර සීමා කිරීම් ලිහිල් කිරීමට නියම කෙරිණි.
ලබන අඟහරුවාදා වික්ටෝරියා මෙම ඉලක්කය කරා පැමිණෙනු ඇතැයි අපේක්ෂා කරන බව ආණ්ඩුකාර ඩැනියෙල් ඇන්ඩෘස් ඉරිදා නිවේදනය කළේය.
"එය අපූරු ජයග්‍රහණයක් වනු ඇති අතර, අපි කලකට පෙර නිවේදනය කළ පරිදි, සමහර දේවල් එවිට කළ හැකි වනු ඇත‘ ඔහු පැවසීය.
ඒ අනුව එළිමහන් ස්ථාන සීමාව 20 සිට 30 දක්වා වැඩි කෙරේ ටෙනිස්, බෝට්ටු සහ ගොල්ෆ් ඇතුළුව මෙල්බර්න් මෙට්‍රොපොලිටන්හි එළිමහන් විනෝද යළි අරඹන්නට අවසර ලැබේ.

මෙල්බර්න් වල 10km ගමන් කිරීමේ සීමාව 15km දක්වා වැඩි කෙරේ
එන්නත් ලබා ඇති පදිංචිකරුවන් පස් දෙනෙකු දක්වා සහ එන්නත් කළ එක් පුහුණුකරුවෙකු සඳහා එළිමහන් පෞද්ගලික පුහුණුව සඳහා ද අවසර දෙනු ඇත
කලාපීය වික්ටෝරියා ප්‍රාන්තයේ කොණ්ඩා මෝස්තර සහ රූපලාවණ්‍ය පත්වීම් සඳහා  මුහුණු ආවරණ ඉවත් කළ හැකිය
අවසන් වසරේ VCAL සිසුන් සඳහා ස්ථානීය ඉගෙනීම නැවත ආරම්භ කෙරේ 
(ස්කයි නිවුස් ඇසුරිනි- Gossiplankanews.com)