අද දින ජීවිතයෙන් සමුගත් ජිප්සීස් නායක සහ ජනප්‍රිය ගායක සුනිල් පෙරේරාගේ බිරිඳ වන ගීතා මීට කලකට ඉහතදී සන්ඩේ ඔබ්සර්වර් පුවත්පතේ ‘බිරියන් සැමියන් ගැන තොරතුරු‘ පවසන සාකච්ඡාවකට එක්වෙමින් පහත අදහස් පළ කර තිබේ.
සුනිල් වරක් සම්මුඛ සාකච්ඡාවකදී කියා සිටියේ ඔහුගේ මව හැර ඔහුගේ බිරිඳ තමාගේ ලෝකයේ වඩාත්ම ගෞරවනීය කාන්තාව බවයි."ඔබ දුටු මුල් දිනේ ..." සුනිල්ගේ සියලුම ගීත අතරින් ගීතාගේ ප්‍රියතම ගීතයයි.
වෙස්ටන් චා-චා, රොක්, හිප්-හෝප් හෝ රෙගේ දේශීය පද්‍ය සමඟ මිශ්‍ර වන සුනිල් සිය ජිප්සී වංශය සමඟ ඔහුගේ රසිකයින්ට නව සොයාගැනීම් හඳුන්වා දීමට උත්සාහ කළේය. ඔහුගේ සියලුම ගීත ජනප්‍රිය විය. පසුගිය වසර 40 තුළදී ජිප්සීස් විසින් පටිගත කර ඇත්තේ ගීත 100 ක් පමණි.
ගීතයක් සාම්ප්‍රදායික ලෙස ගෙන එනු වෙනුවට තමන්ගේම නව ආකාරයකින් පණිවිඩයක් හෝ වෙනස් ඉදිරිදර්ශනයක් සමග ගීතයේ ගුණාත්මකභාවයක් ඇතිකිරීම ඔවුන්ගේ ප්‍රධාන ඉලක්කය විය. හාස්‍යය තුළ පවා බොහෝ පණිවිඩ තිබුණි.ජිප්සීස් ගැන දීර්ඝ හැඳින්වීමක් අවශ්‍ය නැත, සුනිල්ගේ ගීතයක් විකාශය වන විට ඇඟිලි තට්ටු නොකළ ළමයෙකුවත් සොයා ගැනීම අසීරුය.
“මගේ සියලු විකාර ඉවසීමෙන් සහ මාව අතහැර නොයාම ගැන මම මගේ බිරිඳට ඇත්තෙන්ම ගරු කරනවා. ඒ වෙනත් කාන්තාවක් නම් මම මේ වන විට දික්කසාද වීමට ඉඩ තිබුණි. ”රූපවාහිනී නාලිකාවක් හරහා සුනිල් වරක් සම්මුඛ සාකච්ඡාවකදී කීය.
වසර 39 ක ඉතිහාසයක් ඇති සුනිල් සමඟ ගීතාගේ කතාවත් අපූරු එකකි. වචනයක් කතා කරන සෑම අවස්ථාවකදීම අතිශය ප්‍රසන්න සිනහවක් ඇති මධ්‍යස්ථ ප්‍රමාණයේ සිරුරක් හිමි මෙම කාන්තාව තම ජීවිතයේ සිය සැමියාට පුළුල් ශක්තියක් ලබා දී ඇත.
ගීතා කුලතුංග උපන්නේ 1967 මාර්තු 18 වන දින උප පොලිස් පරීක්ෂක මහින්ද කුලතුංග සහ දුනිතා කුලතුංගගේ දියනියක ලෙසිනි. ගීතා පවුලේ හතර දෙනාගෙන් දෙවැන්නා ය.
“මගේ පියා පොලිසියේ සිටි නිසා ඔහුගේ ස්ථාන මාරුවීම් සමඟ අපට නගරයෙන් නගරයට යාමට සිදු වුණා. එම නිසා මම පාසල් 7ක-8 ක පමණ ඉගෙන ගත්තා. මගේ අවසාන පාසල වූයේ මහාමායා බාලිකා විද්‍යාලයයි. මගේ පියා කොළඹ ස්ථානගතව සිටියා. අපි පන්නිපිටියේ නැවතී සිටියා. මම මගේ සා.පෙළ පන්තියේ සිටියදී තමයි මට සුනිල් මුණගැසුණු පළමු අවස්ථාව උදාවුනේ ”ඇය සිහිපත් කරයි.
උඩරට සහ භාරත නැටුම් වලට ගීතා ප්‍රිය කළාය. ඇය මොරටුව බෞද්ධ ශාලාවේදී රජිනි සෙල්වනායගම්ගේ නැටුම් පන්තිවලට සහභාගී වීමට පටන් ගත්තාය.
එකල 1981. ජිප්සීස් මෙරට ජනප්‍රිය සංගීත කණ්ඩායමක් වුණා. මම ඒ කාලේ ඔවුන් ගැන අසා තිබුණා නමුත් එතරම් උනන්දුවක් දැක්වූයේ නැහැ. නමුත්, වරක් මට මගේ සහෝදරිය සහ ඥාති සොහොයුරියන් සමඟ ජිප්සීස්ගේ ප්‍රසංගයකට යාමට අවස්ථාව ලැබුණා.
ප්‍රසංගය අවසන් වී අපි එම ස්ථානයෙන් එළියට එන විට සුළු වර්ෂාපතනයක් ආරම්භ වුණා මම හෙවණක් හෙව්වා. වෑන් එකක් තිබුණා මම ඒකට හේත්තු වුණා. එම වෑන් රථයේ සිටි අයෙක් එළියට පැන බැලුවා. දෙයියනේ ඒ සුනිල්! ”ඇය සිහිපත් කරයි.
ස්වභාවයෙන්ම අතිශයින් සමාජශීලී මිනිසෙකු වූ සුනිල් සිතුවේ දිගු කෙස් කළඹක් ඇති සරල වළලුකර දිග ඇඳුමක් ඇඳ සිටි තරුණිය සමඟ වචනයක් කතා කිරීමටය.
මමත් ඔහු සමග කතා කිරීමට පටන් ගත්තා, නමුත් විශේෂ උමතුවක් හරි උද්යෝගයක් තිබුනෙ නැහැ, ඇත්තම කිව්වොත් මෙම හමුවීම ගැන මම කලබල වුනේ නැහැ. අපි ඉතා සැහැල්ලුවෙන් කතා කළා, පසුව ඔහු ඔහුගේ වෙනත් රසිකයෙකුට කියන විදිහට ඔහුගේ ස්ථානයට පැමිණ තමා හමුවන ලෙස මට කීවා ”ඇය සිහිපත් කරයි.
වෙනත් දිනෙක ඔහුගේ ස්ථානයේදී ගීතාට සුනිල් මුණගැසුණ අතර ඉක්මනින්ම ඔහුගේ රසික සමාජයට ඇය එකතු වූවාය. “අපි හොඳ මිතුරන් වූ නමුත් වෙනත් ආකාරයකින් සුනිල් ගැන සිතීමට තරම් මම කුඩා වුණා. ඔහු මට වඩා අවුරුදු 15 ක් වැඩිමල් වූ නිසා මට තේරුනේ ඔහුගේ බාල සහෝදරියක් ලෙස මා සැලකුවා ලෙස පමණයි. කෙමෙන් කෙමෙන් අපගේ මුණගැසීම් වැඩිවුණා. හැකි අවස්ථාවල ඔහු නුගේගොඩට පැමිණ මාව හමුවීමට පුරුදු වී සිටියා. මාව ගෙදර ඇරලවීමට යාමටත් පුරුදුව සිටියා.
මට කවදාවත් එයාව තනියම මුණ ගැහුනේ නැහැ, මගේ සහෝදරිය නිතරම මා සමඟ සිටියා. ඔහු ජනප්‍රිය පුද්ගලයෙක් වූවත් අපේ සම්බන්ධතාවයේ වරදක් මම දැක්කෙ නැහැ, මට නම් ඔහු සහෝදරයෙක් හෝ ඥාති සහෝදරයෙක් හා සමාන වුණා පමණයි. ඔහුට මහත් හාස්‍යජනක කතාබහක් තිබුණා, එබැවින් මුණගැසුණු ඕනෑම අයෙක් ඔහු සමඟ දිගු වේලාවක් කතා කිරීමට පෙළඹෙනවා ”ඇය සිනාසෙයි.
සුනිල් ගීතාගේ ලෝකයේ වීරයෙක් විය. ඔහුගේ විහිළු වලට වඩා නිතර නිතර ඇගේ පුද්ගලික දේවල් පවා ඇයට බෙදා හදා ගැනීමට මිතුරෙකු බවට සුනිල් පත්විය. නමුත් මේ ඇසුර ගැන ගෙදරට ආරංචි වූයේ නපුරක් ලෙසිනි.
“මගේ මව ඉතාමත් දැඩි පුද්ගලයෙක්. මම මගේ සහෝදරිය සමඟ සුනිල්ගේ වාහනයට ගොඩ වන අයුරු දුටු අයෙක් අම්මාට ඔත්තුවක් දුන්නා. ඇය ඉන් දැඩි ලෙස කලබලයට පත් වුණා. මට බැණ වැදීමට පටන් ගත්තා, මම ඔහු සමඟ කිසිම සම්බන්ධයක් නැති බව පැවසුවත් මාව විශ්වාස කළේ නැහැ. ‘ඔය සිංදු කාරයෝ අපේ පවුලට ගැළපෙන්නෙ නැහැ ඕක නවත්තන්න‘ ඇය මගෙන් ඉල්ලා සිටියා.
නමුත් මං ඒ ගැන තැකුවෙ නැහැ. ඇය මට පහර දුන් දින කිහිපයක් තිබුණා. නමුත්, ගැටලුවක් ඇති කළ හැකි කිසිවක් අප අතර නැති බව දැන සිටි නිසා මම සුනිල්ට දුරකථනයෙන් ඇමතීම සහ ඔහු හමුවීම නැවැත්වූයේ නැහැ, ”ගීතා සිහිපත් කරයි.
ඒ වනවිට ගීතාට අවුරුදු 15 ක් පමණ වූ අතර සා/පෙළ හදාරමින් සිටියාය. තම දියණිය ගැන අසන්නට ලැබෙන ඕපාදූප ඉවසාගත නොහැකි වූ ඇගේ මව ගීතාගේ පාසැල් යාම නැවැත්වීමටද තීරණය කළාය. පළමුව, එය මාස තුනක් සඳහා විය. ඇගේ සහෝදර සහෝදරියන් සහ අසල්වැසි යෞවනයන් පාසැල් යන අයුරු දුටු ගීතා සුසුම් හෙළමින් නිවෙසේ තනිවී සිටියාය.
මාස තුනකට පසු ඇගේ මව පැවසුවේ “හොඳයි, ඔබට නැවත පාසල් යන්න පුළුවන්, නමුත් සුනිල් සමඟ කිසි විකාරයක් නැත” කියාය. ගීතා හිස වැනුවද ඒ වන විටත් ඇගේ සිතිවිලි වල මුරණ්ඩු ස්වභාවයක් තිබුණි. ඇය සුනිල්ට දුරකථන ඇමතුමක් දී ඔහුව මුණගැසුණි. ඔහුගේ හමුවීම ඇයට මහත් ප්‍රීතියක් ගෙන දුන්නාය.
ගීතාගේ අකීකරුකම ගැන දැනගත් ඇගේ මව නිවසේදී යුද්ධය ප්‍රකාශ කළ අතර ඇය පාසැල් යාම සම්පූර්ණයෙන්ම නැවැත්වුවාය. ගීතා දැඩි ලෙස මුරණ්ඩු වූවාය. ඇය තම මව සමඟ දැඩි ලෙස කෝපයට පත් වූවාය. ඇගේ පියා පවා ඒ ගැන කිසිවක් කීවේ නැත. එක් රැයක ඇය තීරණයක් ගෙන මවට ලිපියක් ලියා නිවසින් පැන ගියාය.
"මම බොරලැස්ගමුවට ගියේ මගේ මිතුරෙකුගේ ස්ථානයකට.මිතුරා‍ගේ සහෝදරිය සුනිල් සමඟ මා නිවසට කැඳවාගෙන ගොස් දෙමාපියන්ට පැහැදිලි කර දෙන්නට සූදානම් වුණා. අප පෙම්වතුන් නොවන බවත්, මම සා/පෙළ කළ යුතු බැවින් මට නැවත පාසල් යාමට කටයුතු සලසා දීමට සැලසුම් කළ යුත් බවත් කියන්නයි අපි හැදුවේ.
නමුත්, ඊට පෙර මගේ දෙමාපියන් කලබලයෙන් කටයුතු කර තිබුණා සුනිල් මාව පැහැරගෙන ගොස් අතුරුදහන් කළ බව පවසමින් පොලිසියට පැමිණිල්ලක් කර තිබුණා. මම වයසින් අඩු නිසා එය අපරාධ වරදක් වුනා. හෝමාගම පොලිසිය සුනිල් අත්අඩංගුවට ගත්තා. මටද එහි පෙනී සිටීමට සිදු වුණා. මේක වුනේ 1981 ඔක්තෝබර් 25 වෙනිද ”ගීතා සිහිපත් කරයි.
සුනිල් සහ ගීතා දෙදෙනාම අත්අඩංගුවට ගැනීම සම්බන්ධයෙන් පොලිසියට පැමිණි දෙදෙනාගේම දෙමාපියන්ට මිතුරන් බවත් වෙන කිසිවක් සිදු නොවන බවත් ඔප්පු කිරීමට උත්සාහ කළහ. කෙසේ වෙතත්, මේ කිසිවක් ගීතාගේ මවට ඒත්තු ගැන්වීමට නොහැකි විය.
“අවසානයේදී, සුනිල් මාව විවාහ කර ගන්නා බව පවසා, මට මුලින්ම මගේ අධ්‍යාපන කටයුතු කරගෙන යාමට ඉඩ දෙන ලෙස දෙමාපියන්ට කීවා. නමුත් මගේ මව සමඟ කිසිවක් හරිගියේ නැහැ. මම කම්පනයට පත් වූණා. මොනව කරන්නදැයි කල්පණා වුනේ නැහැ.
අවසානයේදී සුනිල්ගේ දෙමාපියන් මොරටුවේදී ඔවුන්ගේ මිතුරෙකු වූ රෙජිස්ටාර්වරයෙකු වෙත අප කැඳවාගෙන ගිහින් පාන්දර 4 ට අපේ විවාහය ලියාපදිංචි කළා. සුනිල් පසුව මට කීවේ මා පොලිසියේදී දුටු පසු ඔහුගේ දෙමාපියන් ඔහුට කීවේ ‘පුතා, කෙල්ල හොඳ පෙනුමයි හොඳයි. ඔයා කැමති නම් ඉදිරියට ගොස් ඇයව විවාහ කර ගන්න. අපේ විරෝධතා නැහැ ’...කියලයි ඔහුගේ දෙමාපියන් මට එදත් කැමතියි. ඒක ආශීර්වාදයක් වුණා”ගීතා සිනාසෙයි.
අයිවර් සිල්වෙස්ටර් සුනිල් පෙරේරා 1952 සැප්තැම්බර් 14 වෙනිදා උපත ලැබුවේ හිටපු හමුදා නිලධාරියෙකු හා ව්‍යාපාරිකයෙකු වූ ඩොරින් පෙරේරාට ය.
සුනිල් ඔහුගේ පවුලේ නව දෙනාගෙන් දෙවැනියා විය. නිහාල්, සුනිල්, ලාල්, නිමල් සහ පියල් යන සහෝදරයින් පස් දෙනා පසුව ජිප්සීස් සංගීත කණ්ඩායම ආරම්භ කළ අතර ඔවුන්ගේ කැරලිකාර පද, තනුව සහ ගායනයෙන් දේශීය සංගීතය උඩු යටිකුරු කළහ. සුනිල් මුලින්ම අධ්‍යාපනය ලැබුවේ මොරටුව ශාන්ත සෙබෙස්තියන් විද්‍යාලයෙන් වන අතර පසුව කොළඹ ශාන්ත පීතර විද්‍යාලයට ඇතුළත් විය.
ඔහුගේ සා.පෙළ බිඳවැටීමෙන් පසු ඔහුගේ පියා තීරණය කළේ සංගීතය අන් සියල්ලටම වඩා ඔහුට හොඳම දේ බවයි.
1969 දී සිය සියලුම පුතුන්ය "ජිප්සීස්" සංගීත කණ්ඩායම ආරම්භ කිරීමට පියා උනන්දු කළේය. ඒ සඳහා ඔවුන් ලොරන් අබේසේකර, ලිලී ගොඩ්රිජ් සහ මරියාන් ඩේවිඩ් යටතේ හ කටහඩ පුහුණුවීම් කළේ පියාගේ කැමැත්ත නිසාය.
`ජිප්සීස් 'ප්‍රධාන වශයෙන් අවධානය යොමු කළේ මුලින්ම බටහිර ගුවන් විදුලි සංගීතය සහ ගීත කෙරෙහි ය. එහෙත්, සිංහල ගීත සඳහා වැඩි ඉල්ලුමක් ඔවුන්ට දැනුණු හෙයින්, ඔවුහු එය තෝරා ගැනීමට පසුව තීරණය කළහ. ජිප්සීස්ගේ පළමු දේශීය ගීතය `ලිඳ ළඟ සංගමය 'සහ' අම්මා ... අම්මා 'ය.
සජිත්, රෙහානා, ගයාන් සහ මනීෂා යනු සුනිල්ගේ කැදැල්ලෙහි උපත ලද (`ස, රි, ගා, මා සංගීත සටහන්) දරුවන්ය.
දැන් 54 වන වියෙහි පසුවන ගීතා වයස 39 දී ආච්චි කෙනෙකු වූවාය. ඇගේ වැඩිමහල් පුත්‍රයා වන සජිත් ජනප්‍රිය ගායිකා ඩල්රීන් සුබීගේ දියණිය ටහානි සමඟ විවාහ වී සිටින අතර පළමුවන මිනිපිරිය ඔවුහු තිළිණ කළහ “සජිත් ඉපදුණේ මට වයස අවුරුදු 16 දී අනෙක් අය සෑම වසරකම පරතරයෙන් උපත ලැබුවේ ඉන් පසුව යි. මට වයස අවුරුදු 20 වන විට මම සිව්දරු මවක්, ”ඇය සිනාසෙයි.
අපේ දරුවන් සහ අපි මිතුරන් වගේ. පුතුන් ශාන්ත පීටර්ස් හි ඉගෙන ගත්තා ගැහැණු ළමයින් ශාන්ත බ්‍රිජට් වෙත ගියා. සජිත් සෙලින්කෝ සමූහ ව්‍යාපාරයේ සේවය කළ අතර ඔහුගේම වෙළඳ දැන්වීම් ව්‍යාපාරයක් පවත්වාගෙන යයි. ගයාන්ගේ සංගීත කණ්ඩායමක් තිබේ. රෙහානා ද විවාහක වන අතර ගෘහණියක් වේ. බාලයා වන මනීෂා විලාසිතා නිර්මාණකරණ පාඨමාලාවක් හදාරමින් සිටී.
ප්‍රශ්නය: සුනිල් සහ ඔබ විවිධ පසුබිම් දෙකකින් පැමිණි අයයි. මෙය ඔබේ පවුල් ජීවිතයට යම් අවස්ථාවක බලපෑවාද?
ගීතා: ඔහු කතෝලික පසුබිමකින් පැමිණි කෙනෙක් මම බෞද්ධයෙක්. මට ඔහුගේ පවුලේ සාමාජිකයන් සමඟ සම්බන්ධ විමට වැඩි දුෂ්කරතාවයකට මුහුණ පෑමට සිදු වුනේ නැහැ. වාර්ගික වෙනස්කම් කිසි විටෙකත් අප දෙදෙනාට ගැටලුවක් නවුනේ නැහැ. අපේ ලොකු පුතා වන සජිත් විවාහ වී සිටින්නේ මුස්ලිම් තරුණියක් සමඟයි. රෙහානා විවාහ වී ඇත්තේ බෞද්ධ පිරිමි ළමයෙකු සමඟ යි.
ගයාන් සහ මනීෂා ද බෞද්ධයන් සමඟ විවාහ ගිවිසගත්තා.
සුනිල් නිවසේදී හරිම නිහඩයි. කලාතුරකින් කෝපයට පත් වේ. නමුත්, මම ඥානාන්විතව ක්‍රියා නොකළේ නම්, මගේ විවාහය විනාශ කරන්න තවත් බොහෝ දේ සිද්ධ වෙන්න ඉඩ තිබුණා. වෙනත් බොහෝ ප්‍රසිද්ධ පුද්ගලයින් මෙන්ම සුනිල් ගැනත් කටකතා පැතිරුණා, විශේෂයෙන් අපේ විවාහයේ පළමු වසර දහය තුළ. ඒවා ගැන ඇසූ අවස්ථාවල මම කෙලින්ම ඔහුගෙන් විමසීමට පුරුදුව සිටියා.
ඔහු කිසි විටෙකත් මාව ප්‍රතික්ෂේප කර නැහැ, ඔහු යම් වැරැද්දක් කර ඇත්නම්, ඔහු සෑම විටම පාපොච්චාරණය කළා. නැවත වරක් වැරදි සිදු නොකරන බවට ඔහු මට පොරොන්දු වෙලා තිබුණා. නමුත් ඒ දේවල් අවබෝධ කරගන්න ඇතැම්විට පමාවීම් සිදුවුණා.
ප්‍රශ්නය: ඔබ එවැනි දුෂ්කර අවස්ථාවලදී ජීවිතයට මුහුණ දුන්නේ කෙසේද?
ගීතා: මම කෙලින්ම ඔහුගෙන් ඇසීම හැර, මම කිසිවෙකු සමඟ, මගේ දෙමාපියන් සමඟවත් සාකච්ඡා කර නැහැ. කවුරුහරි මගෙන් ඇහුවත් මම මිනිස්සු ඕපාදූප කියන්නේ ඕක විතරයි කියලා මම කාරණයෙන් ඉවත් වෙනවා. සිදුවෙමින් පවතින දේ ගැන මම කිසි විටෙකත් සුනිල්ට වාද කර හෝ බැණ වැදී නැත.
මම නිහඩව හැදුණ කාන්තාවක්. මම දැඩි බෞද්ධයෙක්. බෞද්ධයාගේ ජීවන රටාව අනුගමනය කිරීම මගේ වේදනාවට ඇති එකම විසඳුමයි. මම ගෙදරදී ගාථා කියමින් සහන පතා බෝධි පූජා කරනවා.
පසුකලෙක සුනිල් සම්පූර්ණයෙන්ම වෙනස් පුද්ගලයෙක් වුණා. ඔහු බුදු දහම ගවේෂණය කිරීමට පටන් ගත්තා. බෞද්ධ දර්ශනයේ ශ්‍රේෂ්ඨ ශ්‍රාවකයෙකු වුණා. අපි සායි බැතිමතුන් ලෙසත් සිටියා. සුනිල් බුද්ධාගම ගැන මෙන්ම සායි බාබාගේ දේශනා ගැන ද බොහෝ දේ කියවා තිබුනා. මගේ දරුවන් උපතින්ම කතෝලිකයන් වුවත් පන්සල් වලට පැමිණ හැකි සෑම අවස්ථාවකම ගියා ඒ වගේම මා සමඟ සායි බජාන් වලට සහභාගී වුණා. ඔවුන් ද ආගම ගැන බොහෝ දේ කියවනවා.
මම මගේ සැමියාගේ යුතුකම් සියල්ල ඉටු කළා. මම මගේ දරුවන්ට සාමකාමී සෞඛ්‍ය සම්පන්න නිවහනක් ලබා දුන්නා. මම හිතන්නේ මගේ පූජාව සාර්ථක වූණා. මගේ උත්සාහය නිෂ්ඵල වෙලා නැහැ. සුනිල් කියූ දේවල් වලට සමාජයේ විප්ලවයක් ඇතිකරන්නත් පුළුවන් වුණා.
( gossiplankanews.com )
( ලක්මාල් වෙලබඩ සන්ඩේ ඔබ්සර්වර් පුවත්පතට ලියූ සාකච්ඡාව ඇසුරිනි)
0 Comments