ඇමරිකාවේ ටෙනසිහි කොලියර්ස්විල් හි බ්‍රහස්පතින්දා පස්වරුවේ ‘ක්‍රොගර්‘ සුපිරි වෙළඳසැල් ජාලා ශාඛාවක සිදු වූ වෙඩි තැබීමකින් එක් අයෙකු මියගොස් තවත් 13 දෙනෙකු තුවාල ලැබූ බව නගරයේ පොලිස් ප්‍රධානී ඩේල් ලේන් උපුටමින් NBC වාර්තා කර තිබේ.
තුවාල ලද 13 දෙනාම බරපතල තත්වයෙන් දිස්වූ බව පොලිස් ප්‍රධානියා දන්වා සිටියේය. ඔහු පැවසූ පරිදි කලබලය ඇති කළ පුද්ගලයාද එම ස්ථානයේ තමාටම වෙඩි තබාගෙන මියගොස් ඇති බවයි.
වෙඩි තැබීම සිදුවුයේ ඇමරිකානු වේලාවෙන් දහවල් 1.30 ට පමණය.
කලබලකාරී තත්වය අවසන් වූ නමුත් වෙඩි තැබූ පුද්ගලයා කවර අරමුණකින් මෙම ක්‍රියාව සිදු කළේදැයි තවම පැහැදිලි නැත.
එරට ගිනි අවි සහ පුපුරන ද්‍රව්‍ය කාර්යාංශයේ (ඒටීඑෆ්) ප්‍රකාශකයෙකු එම ස්ථානයට නියෝජිතයින් යවා ඇති අතර සිද්ධිය පිළිබඳ විශේෂ පරීක්ෂණයක් අරඹා ඇත.
(එන්බීසී නිවුස් ඇසුරිනි Gossiplankanews.com)
0 Comments