"ඩෙල්ටා ප්ලස්" හෝ ඒවයි 4.2 ( AY.4.2) ලෙස හඳුන්වන නව විකෘති කොරොන වයිරස් ප්‍රභේදය සම්බන්ධයෙන් විදෙස් මාධ්‍ය තුළ දැන් ආන්දෝලනාත්මක පුවත් පළවේ. එය සාමාන්‍ය ඩෙල්ටාවට වඩා පහසුවෙන් ව්‍යාප්ත විය හැකි බව එක්සත් රාජධානියේ විශේෂඥයෝ දැන් පවසති.
එක්සත් රාජධානියේ සෞඛ්‍ය ආරක්‍ෂක ඒජන්සිය (UKHSA)ඒ ගැන සිදු කළ පරීක්ෂණ අනුව පහසුවෙන් බෝවන නමුත් තවමත් එමගින් වඩාත් අයහපත් රෝගාබාධයක් ඇති කරන බවට සාධක නැති බව දන්වා ඇත.
AY.4.2 යනු ඩෙල්ටාවේ උප ප්‍රභේදයක් වන අතර වෛරසය මිනිසාගේ සෛල වලට විනිවිද යාමට භාවිතා කරන ස්පයික් ප්‍රෝටීන වලට බලපාන නව විකෘති කිහිපයක් එහි ඇතුළත් වේ.
වසංගතය ආරම්භයේ සිටම විකෘති දක්නට ලැබුණි.
එක්සත් රාජධානියේ බොහෝ කොවිඩ් ආසාදන සඳහා සාමාන්‍ය ඩෙල්ටාව තවමත් හේතු වී ඇතත්, "ඩෙල්ටා ප්ලස්" රෝගීන් වැඩි වෙමින් පවතී.
නිල දත්ත වලට අනුව වත්මන් කොවිඩ් රෝගීන්ගෙන් 6% ක්ම මේ ආකාරයේ අය වේ.
ඇතැම් ප්‍රවීණයන් පවසන්නේ එයින් වර්තමාන එන්නත් කිසිවකින් ගැලවීමට නොහැකි බවයි. නමුත් ඒ ගැන පර්යේෂණ තවම අවසන් නැත.
එක්සත් රාජධානියේ සෞඛ්‍ය ආරක්‍ෂක ඒජන්සිය පවසන්නේ
"පසුගිය මාස කිහිපය තුළ එක්සත් රාජධානියේ මෙම උප පෙළපත වඩ වඩාත් සුලභ වී ඇති අතර සාමාන්‍ය ඩෙල්ටාවට සාපේක්‍ෂව එය එක්සත් රාජධානියේ ඉදිරියේදී වැඩිවිය හැකි බවට සාක්ෂි තිබේ" යනුවෙනි.
කෙසේ වෙතත් ඩෙල්ටා මෙන් එය තවමත් "සැලකිලිමත් වීමේ ප්‍රභේදයක්" ලෙස නොසැලකේ.
ලොව පුරා කොවිඩ් වල විශේෂ දහස් ගණනක් හෝ ප්‍රභේද දහස් ගණනක් සංසරණය වෙමින් පවතී. වෛරස් නිතරම විකෘති වන බැවින් නව සංස්කරණ මතුවීම පුදුමයක් නොවේ.
මිනිසුන් ආරක්ෂා වීම සඳහා දැනට පවතින එන්නත් හොඳින් ක්‍රියාත්මක විය යුතු බව විද්‍යාඥයෝ විශ්වාස කරති.
(බීබීසී ඇසුරිනි Gossiplankanews.com)
|Source - https://www.bbc.com/news/health-59009293
0 Comments