මේ සතියේ උතුරු අයර්ලන්තයේ සංචාරය අවලංගු කිරීමට බල කිරීම හේතුවෙන් දෙවන එලිසබෙත් රැජින පරීක්ෂණ සඳහා රෝහලක රැයක් ගත කළ බව බකිංහැම් මාලිගය බ්‍රහස්පතින්දා නිවේදනය කළේය.
"දින කිහිපයක් විවේක ගැනීම සඳහා වූ වෛද්‍ය උපදෙස් අනුව, රැජින බදාදා දහවල් මූලික පරීක්ෂණ කිහිපයක් සඳහා රෝහල් ගත වූ අතර, අද (බ්‍රහස්පතින්දා) දිවා ආහාර වේලාවේදී වින්ඩ්සර් මාලිගයට ආපසු ගිය අතර, යහපත් මනෝභාවයකින් පසුවන බව" නිවේදනයේ සඳහන්වේ.
ඔවුන් පැවසුවේ රෝහල වෙත යන සංචාරය කෙටි නිවාඩුවක් ලෙස බලාපොරොත්තු වූ නිසාත්,
95 හැවිරිදි රැජිණගේ පෞද්ගලිකත්‍වය ආරක්ෂා කිරීම සඳහාත් ඒ කාරනාව පූර්ව ප්‍රසිද්ධියක් නොකර සඟවා තැබූ බවයි.
ඇය මධ්‍යම ලන්ඩනයේ VII වන කිං එඩ්වඩ්ගේ පෞද්ගලික රෝහලේ නැවතී පරීක්ෂණ සිදුකරගෙන ඇත.
බ්‍රිතාන්‍ය රැජිණගේ ප්‍රකටවූ රෝග ඉතිහාසය සැලකීමේදී
ඇය මීට පෙර විශේෂිත සායනයකින් ප්‍රතිකාර ලබා ඇති අතර, 2013 දී ආමාශ ආන්ත්‍රියික රෝගය වෙනුවෙන් ප්‍රතිකාර ලැබීම ප්‍රසිද්ධ විය.
2003 දී රෝහලේදී ශල්‍ය වෛද්‍යවරුන් විසින් ඇගේ මුහුණේ පිළිකාවක් නොවන වර්‍ධන සුළු වර්‍ග ඉවත් කර දණහිසේ ශල්‍යකර්‍මයක්ද සිදු කළ අතර 1982 දී ප්‍රඥාවන්ත දන්ත සැත්කමක් කළ බවට මාධ්‍ය වාර්තා තිබේ.
රැජිනගේ අභාවප්‍රාප්ත සැමියා වූ පිලිප් කුමරු මේ වසරේ පෙබරවාරි සිට සති 4 ක් හෘද රෝගි ප්‍රතිකාර ලැබුවේය. ඔහුගේ 100 වන උපන්දිනයට සති කිහිපයකට පෙර අප්‍රේල් මාසයේදී ඔහු මිය ගියේය.
1952 සිට සිංහාසනය දරන සහ බ්‍රිතාන්‍යයේ වැඩිම කාලයක් රජකම් කළ රාජ්‍ය නායිකාව වන එළිසබෙත් මහ රැජිළු නැවත නිරෝගීව බ්‍රහස්පතින්දා පස්වරුවේ සිය රාජකාරී කටයුතු සඳහා සිය රාජකාරිය වෙත පැමිණෙන බව පැවසේ.
ලබන වසරේ ඇය සිංහාසනයේ වසර 70 සපිරීම නිමිත්තෙන් ඇගේ ප්ලැටිනම් ජුබිලිය සමරන්නටද නියමිතය.
(ඒඑෆ්පී ඇසුරිනි - Gossiplankanews.com)
0 Comments