මහමග සවිකර ඇති බැංකු ඒටීඑම් යන්ත්‍ර පුපුරවා ඒවායේ මුදල් සොරකම් කිරීම යුරෝපයේ අලුත්ම ජාවාරමක් බවට පත්ව ඇති අතර ඒ සම්බන්ධ කල්ලියක සාමාජිකයෙකු එම පිපිරවීමක් අතරතුර මරණයට පත්වීමෙන් පසු එකී කල්ලිය කොටු කර ගන්නට යුරෝපා සංගම පොලිසිය (යුරෝපෝල් ) සමත්ව තිබේ.
ජර්මනියේ ස්වයංක්‍රීය ටෙලර් යන්ත්‍ර බෝම්බ පිපිරවීම් 15 ක් පමණ සිදු කර පවුම් මිලියන 2.15 ක් පමණ සොරකම් කර ඇති බව කියන මෙම කල්ලිය නිවසක නිෂ්පාදිත පිපුරුම් ද්‍රව්‍ය යොදාගෙන මෙම සොරකම් කරන බව පැවසිණි.
අවසන් වරට ඔවුන් මෙම පිපිරවීම සිදු කර ඇත්තේ ‘මුදල් යන්ත්‍ර වලට බෝම්බ හෙලන්නේ කෙසේද යන්න‘ පිළිබඳ වීඩියෝ නිබන්ධනයක් සැකසීමේ අරමුණින් එම අපරාධය සිදු කරද්දීය.
ස්වයංක්‍රීය ටෙලර් යන්ත්‍ර වෙත පුපුරණ ද්‍රව්‍ය ප්‍රහාර එල්ල කිරීමට යද්දී අත්හදා බැලීමේ කටයුතු වැරදී යාමෙන් එක් සැකකරුවෙකු මියගොස් තවත් අයෙකුට දැඩි හානි සිදු වී තිබේ.
වෙනත් අපරාධකරුවන්ට මෙම පිපිරුම් තාක්ෂණය සිදුකරන ආකාරය කියාදෙන්නට වීඩියෝ කරමින් පිපිරීම සූදානම් කරමින් සිටියදී අනපේක්ෂිත ලෙස යන්ත්‍රය පුපුරාගොස් ඇත්තේ සොරකමේ යෙදුණ අයද ඊට හසුවෙමිනි.
29 හැවිරිදි ප්‍රධාන සැකකරු එතැනම පිපිරීම නිසා මිය ගියේය. ඔහුගේ සහායක 24 හැවිරිදි තරුණයකු බරපතල තුවාල ලබා රෝහලට ඇතුළත්ව පසුව අත්අඩංගුවට ගෙන තිබේ.
යුරෝපෝල් ප්‍රකාශකයෙකු පැවසුවේ ජර්මනියේ ඔස්නාබ්රුක් හි ජර්මානු සමාගමකින් ඒටීඑම් යන්ත්‍රවල “සැක සහිත නියෝග” හඳුනා ගැනීමෙන් පසු මෙම පරීක්ෂණ ආරම්භ කළ බවයි.
යුරෝපෝල් පොලිසිය අඟහරුවාදා උට්රෙක්ට්, ඇම්ස්ටර්ඩෑම් සහ හේග් අවට සිදු කළ වැටලීම් වලදී පුද්ගලයින් තිදෙනෙකු අත්අඩංගුවට ගත් අතර නිවාස හා දේපළ හතක් පරීක්ෂාවට ලක් කරන ලදී.
ගෙදර හැදූ පුපුරණ ද්‍රව්‍ය භාවිතයෙන් මුදල් යන්ත්‍ර පුපුරවා හරින ලද බව අනාවරණය විය. එම අත්හදාබැලීම් නිවැසියන්ට සහ අසල සිටින්නන්ට දැඩි අවදානමක් ඇති කර තිබූ බවද සොයාගෙන ඇත.
(ද ගාර්ඩියන් ඇසුරිනි - Gossiplankanews.com)
0 Comments