පාස්කු ඉරිදා ප්‍රහාරයට පෙර තම සැමියා කිහිප වතාවක්ම බුද්ධි අංශ නිලධාරීන් හමුවූ බව සහරාන්ගේ බිරිඳ පාපොච්චාරණය කළ බව SJB පාර්ලිමේන්තු මන්ත්‍රී හරීන් ප්‍රනාන්දු මහතා 9 දා පාර්ලිමේන්තුවට පැවසීය.
ප්‍රනාන්දු මන්ත්‍රීවරයා මෙම හෙළිදරව්ව සිදුකරන අතරවාරයේ සහරාන්ගේ බිරිඳ පාර්ලිමේන්තුවට ලබාදුන් ප්‍රකාශවල පිටපතක් සභාගත කරන ලෙස මහජන ආරක්ෂක අමාත්‍යවරයාගෙන් ඉල්ලා සිටියේය.
"සහරාන්ගේ බිරිඳ ජීවතුන් අතර සිටිනවාද නැද්ද යන්න අපි නොදනිමු, නමුත් අපි සරත් වීරසේකර අමාත්‍යවරයාගෙන් ඉල්ලා සිටින්නේ ඇය විසින් පොලිසියට ලබාදුන් ප්‍රකාශය පාර්ලිමේන්තුවේ සභාගත කරන ලෙසයි. අප්‍රේල් 21 මරාගෙන මැරෙන ප‍්‍රහාරවලට පෙර සහරාන් බුද්ධි අංශ නිලධාරීන් හමුවූ බවට ඔප්පු කිරීමට අප සතුව සාක්ෂි තිබෙනවා. සහරාන්ගේ බිරිඳ සිය ප්‍රකාශයෙන් ඒ බව තහවුරු කර තිබුණා,” මන්ත්‍රීවරයා පැවසීය.
දක්ෂිණ අධිවේගී මාර්ගයේ ගැලනිගම පිටවීමේ ස්ථානයේ දී පොලිසිය විසින් නවතාලූ ලොරි රථ දෙකක් 2019 අප්‍රේල් 04 වැනි දින එක්තරා උසස් පොලිස් නිලධාරියකුගේ නියෝගයක් මත මුදා හැර ඇති බවද ඔහු චෝදනා කළේය.
“මේ පොලිස් නිලධාරියා අප්‍රේල් 21 වෙනිදා ජනප්‍රිය ‘මාළු මාළු’ නිවාඩු නිකේතනයක ඉඳලා තියෙනවා. ඇසින් දුටු සාක්ෂිකරුවන් මේ ලොරි ගැන මැල්කම් රංජිත් කාදිනල්තුමාට පවා මේ තොරතුරු හෙළි කරලා තියෙනවා,” මන්ත්‍රීවරයා පැවසීය.
අත්අඩංගුවට ගත් ලොරි දෙකේ පුපුරණ ද්‍රව්‍ය තිබූ බව වැඩි විස්තර සහිතව එළියට පැමිණි පාර්ලිමේන්තු මන්ත්‍රී මනූෂ නානායක්කාර මහතා පැවසීය. “ඉහළ පොලිස් නිලධාරියා රුපියල් පන්දහසේ නෝට්ටුවකින් මුදල් අල්ලසක් ලබාගෙන තිබුණා. මහානායක හිමිවරුන් හමුවී ඔවුන් වෙනුවෙන් කතා කරන ලෙස ඉල්ලා සිටි පොලිස් නිලධාරීන් කණ්ඩායමට මේ උසස් පොලිස් නිලධාරියා ඇතුළත්ද?” නානායක්කාර මහතා ප්‍රශ්න කළේය.
0 Comments