හැරී පොටර් යනු ලෝකයේ විශාල කතාබහක් ඇතිකළ ළමා නවකතා හා චිත්‍රපට කලාවේ හැරවුම් ලක්ෂ්‍යයකි. 2001 නොවැම්බර් 16 වන දින ‘හැරී පොටර් ඇන්ඩ් ද ෆිලෝසොෆර්ස් ස්ටෝන්‘ මුල්ම සිනමා පටය නිකුත් වී අදට වසර 20 කි.
චිත්‍රපටය නිකුත් වීමෙන් පසුව, එය 2001 වසරේ වැඩිම ආදායමක් ඉපැයූ චිත්‍රපටය බවට පත් වූ අතර, එක් අවස්ථාවකදී, ලොව පුරා ඩොලර් බිලියන 1කට අධික ආදායමක් උපයා තිබෙන අතර මෙතෙක් වැඩිම ආදායමක් ඉපැයූ දෙවන චිත්‍රපටය බවට පත් විය.
මෙම චිත්‍රපටය ඔස්කාර් සම්මාන 3ක් සඳහා නිර්දේශ වූ අතරම මනඃකල්පිත පොත් රසිකයන්ගේ හදවත් තුළ විශේෂ ස්ථානයක් හිමිකරගත්තේ ඒ හා ආශ්‍රිත රැල්ලක් මතුකරමිනි. චිත්‍රපට මාලාව වසර 10 ක් තිස්සේ 2011 වනතුරු පැවතිණි.
මෙම චිත්‍රපටයේ රඟපෑ නළු නිළියන් මෙම නිර්මාණය නිසා තරු බවට පත්වූ නමුත් සමහර තරුණ නළු නිළියන් දැන් සිටින්නේ කොහේද? ඇතැමුන් නොදනී.
ඩැනියෙල් රැඩ්ක්ලිෆ් හැරී පොටර් ප්‍රධාන චරිතය රඟපෑ නළුවාය. ඔහු පසුකාලීනව විවිධ ව්‍යාපෘතිවල වැඩ කිරීමට ගියේය. 2011 දී පොටර් චිත්‍රපට අවසන් වූ පසු, ඩැනියෙල් ගොතික් ත්‍රාසජනක චිත්‍රපටයක් වන "ද වුමන් ඉන් බ්ලැක්" (2012) හි රඟපෑ අතර පසුව "කිල් ඔවර් ඩාර්ලිං" (2013) හි ඇලන් ගින්ස්බර්ග් ලෙස රඟපෑවේය.
පශ්චාත් කාලයේ ඔහු වේදිකාවේ ද වැඩ කළේය, 2017 හි "රොසන්ක්‍රාන්ට්ස් සහ ගිල්ඩෙන්ස්ටර්න් ආර් ඩෙඩ්" සහ 2018 දී "ද ලයිෆ්ස්පැන් ඔෆ් ඇ ෆැක්ට්" යන නාට්‍යවල ද රඟපෑවේය.
ප්‍රධාන නිළිය එමාගේ සිනමා රංගනයට ආවේ ප්‍රංශ දැරියකි. පැරිසියේ උපන් එමා ලොව පුරා ජනප්‍රිය නාමයක් විය. එමා වොට්සන් 2011 දී "My Week with Marilyn" චිත්‍රපටය තුළින් සිය ගමන වෙනස් කළේය. පසුව 2017 හා 2019 මතකයේ රැඳෙන රඟපෑම් වලට සම්බන්ධ විය.
රංගනයෙන් පරිබාහිරව, එමා Burberry, Lancôme සහ People Tree සඳහා ආකෘති නිර්මාණය කිරීමටත්, එක්සත් ජාතීන්ගේ කාන්තා සුහද තානාපතිවරිය ලෙසත්, Time's Up UK සහ G7 හි කාන්තා අයිතිවාසිකම් සඳහා වන උපදේශන ආයතනය සඳහාත් 2019 දී කාලය කැප කර ඇත.
හැරීගේ හොඳම මිතුරා වන රොන් ලෙස ප්‍රසිද්ධියට පත් වූ රූපට් ග්‍රින්ට් පසුකාලිනව චිත්‍රපටවලට ගියේ නැත.
පෝටර් චිත්‍රපට අවසන් වූ පසු, රූපට් අනෙකුත් ප්‍රධාන නළු නිළියන් දෙදෙනාට සාපේක්ෂව නිහඬව සිටි අයෙකි. හර්ට්ෆෝර්ඩ් හි හෝටලයක් විවෘත කර එහි වැඩ කරගෙන ගියේය. පසුව රූපවාහිනී වැඩසටහන් කිහිපයක සුළු වශයෙන් පෙනී සිටියේය. සංගීත වීඩියෝ වලට ද දායක විය.
ග්‍රින්ට් මෑතකදී Apple TV+ මනෝවිද්‍යාත්මක-ත්‍රාසජනක කතා මාලාවක් වන "Servant" (M. Night Shyamalan විසින් නිෂ්පාදනය කරන ලදී) හි ජූලියන් පියර්ස් ලෙස 2019 වසරේ සිට දෙවන කතා මාලාවක් නිකුත් කර ඇත.
සියලුම ශ්‍රේෂ්ඨ වීරයන්ට සතුරෙකු අවශ්‍ය වන අතර හැරී පොටර් ටද සතුරෙකු සිටියේය ටොම් ෆෙල්ටන් ඩ්‍රැකෝ මැල්ෆෝයි, චිත්‍රපටයේ දුෂ්ඨයෙක් ලෙස රඟපෑවේය.
පොටර් චිත්‍රපටයෙන් පසුව, ෆෙල්ටන් "රයිස් ඔෆ් ද ප්ලැනට් ඔෆ් ද ඒප්ස්" හි මෙන්මචිත්‍රපට කිහිපයකම හා රූපවාහිනී කතා කිහිපයක රඟපා ඇත.
The Philosophers Stone චිත්‍රපටයේ Neville Longbottom ලෙස රංගනයෙන් දායක වූ මැතිව් ලුවිස් වේදිකාවේ මෙන්ම තිරයේ ද සිය රංගන දායකත්වය සපයා ඇත.
චිත්‍රපටයෙහි හැරීගේ ප්‍රධාන පෙම්වතිය වන ගිනී වෙස්ලි හෙවත් බොනී වෙස්ලි චිත්‍රපට මාලාව අවසන් වී 2012 දී ඇයගේම චිත්‍රපට නිෂ්පාදන සමාගමක් ආරම්භ කළාය. The Great British Bake Off නිර්මාණය නිසා පසුව ප්‍රසිද්ධියට පත් වූ ඇය රංගනයද දිගටම කරගෙන ගොස් ඇත.
(කෙන්ට් ලයිව් ඇසුරිනි- Gossiplankanews.com)
 |
| ඩැනියෙල් රැඩ්ක්ලිෆ් |
 |
| එමා වොට්සන් |
 |
| රුපට් ග්‍රිඩ් |
 |
| ටොම් ෆෙල්ටන් |
 |
| මැතිව් ලුවිස් |
 |
| බොනී රයිට් |
0 Comments