පාකිස්ථානයේ සියල්කොට්හි රාජ්කොට් කම්හලේදී මෙම මස මුලදී ආගමට අපහාස කිරීමේ චෝදනාව මත රැඩිකල් ඉස්ලාමීය පක්ෂයක ආධාරකරුවන් විසින් ඝාතනය කරන ලද ප්‍රියන්ත කුමාර මහතා වෙනුවට ඔහු දැරූ සාමාන්‍යධිකාරි තනතුර වෙනුවෙන් වෙනත් ශ්‍රී ලාංකිකයෙකු බඳවා ගෙන ඇතැයි වාර්තාවේ.
සියල්කොට් සිද්ධිය සම්බන්ධයෙන් ශෝකය ප්‍රකාශ කිරීම සඳහා සුප්‍රසිද්ධ ඉස්ලාමීය දේශක මවුලානා තරික් ජමිල් බදාදා එරට ශ්‍රී ලංකා මහ කොමසාරිස් කාර්යාලයට පැමිණි අවස්ථාවේදී ආගමික සහජීවනය පිළිබඳ අග්‍රාමාත්‍යවරයාගේ විශේෂ නියෝජිත හෆීස් මොහොමඩ් තහීර් අෂ්රෆි මේ බව අනාවරණය කර තිබේ.
රැඩිකල් ඉස්ලාමීය පක්ෂයක් වන Tehreek-e-Labbaik Pakistan (TLP) ආධාරකරුවන් විසින් කම්හලේ 49 හැවිරිදි සාමාන්‍යාධිකාරී - ප්‍රියන්ත කුමාර දියවඩන - මෙම මස මුලදී සියල්කොට්හි දී දේව අපහාස චෝදනා මත ඝාතනය කර ඔහුගේ සිරුරට ගිනි තැබූ සිදුවීම ආන්දෝලනයක් ඇති කළේය.
ශ්‍රී ලංකා මහ කොමසාරිස් මොහාන් විජේවික්‍රම හමුවීමෙන් අනතුරුව මාධ්‍ය වෙත අදහස් දක්වමින් අෂ්රෆි කියා සිටියේ කුමාරගේ දරුවන්ගේ අධ්‍යාපන වියදම් කර්මාන්තශාලා හිමිකරු විසින් පොරොන්දුවූ පරිදි දරනු ඇති බවයි.
"පරිපාලනය ශ්‍රී ලාංකික පුරවැසියෙකුට කර්මාන්ත ශාලාවේ රැකියාවක් ද ලබා දී ඇත," ඔහු වැඩිදුරටත් පැවසීය.
"මෙම භීතියේ වාතාවරණය තුළ ඔවුන්ගෙන් එක් අයෙකු මෙහි සේවය කිරීමට තෝරා ගැනීම ගැන අපි ශ්‍රී ලාංකිකයින්ට ස්තූතිවන්ත වෙමු."
කෙසේ වෙතත්, සියල්කොට් හි කර්මාන්ත ශාලාවේ නව කළමනාකරු පිළිබඳ නම හෝ වෙනත් තොරතුරු ලබා දී නැත.
මවුලානා තරික් ජමිල් කුමාර ඝාතනය හැඳින්වූයේ මුළු රටම ලැජ්ජාවට පත් කළ “කෲර ක්‍රියාවක්” ලෙසය.
"මම මහ කොමසාරිස්තුමාට කිව්වා අපි ආවේ සමාවෙන්න කියන්න කියලා," පූජකවරයා පැවසීය.
මෙම අවස්ථාවට අදහස් දක්වමින් ශ්‍රී ලංකා මහ කොමසාරිස්වරයා, පැමිණ සිටි පූජකවරුන් දෙදෙනාටම ස්තුතිය පුද කළේය.
කුමාරගේ ඝාතනය පාකිස්තානයේ ආගමික කවයන් තුළ පුළුල් ලෙස හෙළා දැක තිබේ. සියලුම චින්තන පාසල්වල පූජකවරු දෙසැම්බර් 7 වන දින ශ්‍රී ලංකා මහ කොමසාරිස් කාර්යාලයට පැමිණ ඒකමතිකව ඝාතනය හෙළා දුටු අතර එය "ඉස්ලාම් විරෝධී" බව නිවේදනය කළහ.
(ඉන්ඩියා ටුඩේ ඇසුරිනි - Gossiplankanews.com)
0 Comments