ඊයේ (11) රාත්‍රි සිරස ටීවී නාලිකාවේ විකාශයවූ ද වොයිස් ජාත්‍යන්තර වැඩසටහනේ අවසන් මහා තරගයේදී ප්‍රේක්ෂක මනාපයෙන් හරිත් විජේරත්න , ද වොයිස් ශ්‍රී ලංකා කිරුළ දිනා ගත්තේ ය.
ජයග්‍රාහකයින්ට රුපියල් මිලියන ගණනක ත්‍යාග ඇතුළු ත්‍යාග රැසක් හිමිවිය.
ඔහු සමග අවසන් මහා තරගයට තරග කළේ,මියුරු සෝමරත්න,තිලිණ සුදේශ්,ජුලියස් මිචෙල් යන තරගකරුවන් ය.
වොයිස් වේදිකාවේ විනිසුරුවරුන් ලෙස කටයුතු කළේ උමාරියා සිංහවංශ,ශෂිකා නිසංසලා,කසුන් කල්හාර,භාතිය ජයකොඩි හා සන්තුෂ් වීරමන් යන කලාකරුවන්ය .
ශ්‍රී ලාංකේය දක්ෂතම හඬ පෞරුෂය සොයා ගිය -ද වොයිස් ජාත්‍යන්තර වැඩසටහනේ අවසාන මහා තරගය ඊයේ රාත්‍රි පැවැත්වුණේ රත්මලාන ස්ටයින් මැදිරි සංකීර්ණයෙදීය.
කලාකරුවන් ඇතුළු ‘වොයිස් ‘ තරගකරුවන් රැසක් පිරිවරා පැවති අවසන් මහා තරගය වර්ණවත් කිරීමට සංගීතාංග රැසක් ද එක්විය .
සම්මානනීය සංගීතවේදී ආචාර්ය වික්ටර් රත්නායකයන්ගේ ගීත ගායනා කරමින් ද වොයිස් තරගකරුවන් ඔහුට උපහාර දැක්වූ අතර වික්ටර් රත්නායකයින්ට සමරු සිහිවටනයක් ද පිළිගැන්වීම විශේෂත්වයකි.
0 Comments