ගායිකා යොහානි ද සිල්වාට කැබිනට් මණ්ඩලතීරණයක් ලෙස පසුගිය සතියේ රජයෙන් ලබාදුන් බත්තරමුල්ල රොබට් ගුණවර්ධන පාරේ පිහිටි ඉඩමේ වෙළඳ වටිනාකම රුපියල් කෝටි හතරක් පමණ වන බව රජයේ තක්සේරු දෙපාර්තමේන්තුවේ හා ඉඩම් ලියාපදිංචි කිරීමේ
දෙපාර්තමේන්තුවේ අාරංචි උපුටමින් මාධ්‍ය වාර්තා සඳහන් කර තිබේ.
එම ප්‍රදේශයේ ඉඩම් පර්චසයක මිල මේ වනවිට රුපියල් ලක්ෂ හතලිහ ඉක්මවා ඇත.
ඇය ලංකාව කීර්තියක් අත්කරදීම නිසා පර්චස් 9.68ක ඉඩමක් අනුමත වී ඇත. එම ඉඩම පිහිටියේ 1996 ක්‍රිකට් ලෝක කුසලාන දිනූ කණ්ඩායමේ ක්‍රීඩකයින්ට 99 අවුරුදු බදු පදනම යටතේ ලබාදුන් ඉඩම් හා යාබද ස්ථානයකය.
දෙසැම්බර් 20 වැනිදා පැවති කැබිනට් මණ්ඩල රැස්වීමට මෙම යෝජනාව අගමැති මහින්ද රාජපක්ෂ විසින් ඉදිරිපත් කර තිබුණි.
යොහානිව පාර්ලිමේන්තුවට ගෙන්වා උපහාර පිදීමට වැඩසටහනක් සූදානම් කර තිබූ නමුත් පාර්ලිමෙන්තු කාන්තා මන්ත්‍රීන් ඊට විරෝධය පෑම නිසා එම වැඩසටහන අතරමග නතර විය.
0 Comments