පසුගිය මාසයේ මැතිවරණ ජයග්‍රහණයක් සිදු කළ චිලියේ වාමාංශික ජනාධිපති ගේබ්‍රියෙල් බෝරික්, සිය නව කැබිනට් මන්ඩලය ප්‍රකාශයට පත්කර ඇති අතර එහි 24 දෙනෙකුගෙන් 14 ක්ම කාන්තාවන් වීම විශේෂත්වයකි.තනතුරුවලින් බහුතරයක් කාන්තාවන්ට සහ කිහිපයක් හිටපු ශිෂ්‍ය විරෝධතා නායකයින්ට ලබා දී ඇත.
අභ්‍යන්තර කටයුතු අමාත්‍යවරිය ලෙස 35 හැවිරිදි ඉස්කියා ෂිචෙස් නමැති ශල්‍ය වෛද්‍යවරියක තෝරා ගෙන ඇති අතර ඇය 2017 දී වෘත්තීය වෛද්‍යවරුන්ගේ සංගමයක පළමු කාන්තා සභාපතිනියයි.
1973 දී හමුදා කුමන්ත්‍රණයකින් බලයෙන් පහ කරන ලද සමාජවාදී ජනාධිපති සැල්වදෝර් ඇලන්ඩේගේ මිනිබිරිය වන ආරක්ෂක ඇමති මායා ෆර්නැන්ඩස් ද මෙම පිරිස අතර සිටී.
"අපි මෙම කණ්ඩායම පිහිටුවා ඇත්තේ දැනුමෙන්, අත්දැකීම් ඇති සහ රටට අවශ්‍ය වෙනස්කම් පිළිබඳ න්‍යාය පත්‍රයට කැපවී සිටින පුද්ගලයින් සමඟයි," බෝරික් පැවසීය.
මාර්තු 11 වැනිදා බලයට පත්වීමට පෙර 36 වැනි වියට පා තබන බොරික් පසුගිය මාසයේ පැවති ජනාධිපතිවරණයෙන් ජයග්‍රහණය කිරීමෙන් පසුව මෙම කැබිනට් මණ්ඩල නිවේදනය නිකුත් කර ඇත.
බොරික්ගේ කැබිනට් මණ්ඩලයට 2011 දී වැඩි දියුණු කළ, නිදහස් අධ්‍යාපනය සඳහා රැල්ලකට නායකත්වය දුන් අය ඇතුළුව, අවම වශයෙන් වයස අවුරුදු 40 ට අඩු ඇමතිවරුන් හය දෙනෙක් ඇතුළත් වේ. ජනාධිපති ධුරයේ මහලේකම් ලෙස නම් කරන ලද බොරික්ගේම පුළුල් පෙරමුණු සන්ධානයේ කොන්ග්‍රස් සභික ජෝජියෝ ජැක්සන් ද ඊට ඇතුළත් ය.
(ඒඑෆ්පී සහ අල්ජසීරා ඇසුරිනි - Gossiplankanews.com)
0 Comments