ශ්‍රී ලංකාවේ කොරෝනා මරණ ප්‍රතිශතය ඉහළයාම නිසා ආසාදිත අගයන් ගැන යළි සැකයක්

මේ වනවිට ලොව පුරා කොරෝනා ඔමික්‍රොන් ප්‍රභේදය පැතිරයාම නිසා වෙනදාට වඩා අසාමාන්‍ය ලෙස ආසාදිතයින්ගේ අගය ඉහළ ගොස් තිබේ.

කෙසේ වෙතත් ආසාදිතයින්ට සාපේක්ෂව ලොව පුරාම කොරෝනා මරණ වාර්තාවන්නේ අඩුවෙනි.
උදාහරණ ලෙස ආසාදිතයින්  ලක්ෂ දෙකහමාරක් පමණ ඊයේ ප්‍රංශයෙන් වාර්තාවූ අතර මරණ සිදුව ඇත්තේ 127 කි.  එනම් මරණ සියයට 0.05 කි.
ජර්මනියේ ලක්ෂයක් ආසාදිතයින් වාර්තාවෙද්දී මරණ 45 කි.එනම් මරණ සියයට 0.045 කි.
නමුත් ලංකාවේ ආසාදිතයින් 1056 ක් වාර්තාවෙද්දී මරණ 20 ක් සිදුව තිබේ. එනම් සියයට 2 ක් පමණ මියගොසිනි.මෙම තත්වය අසාමාන්‍ය වනවා සේම අසාදිතයින් සංඛ්‍යාව නිවැරදිද යන්න ගැන සැකයක්ද මතු කරයි.
ශ්‍රී ලංකාව හා සමාන ආසාදිත අගයන් ඊයේ වාර්තාකළ උස්බෙකිස්තානයේ ආසාදිත 1104 කට මරණ 3 කි. ඩොමිනිකන් ජනරජයේ ආසාදිත1221 ට මරණ 4 කි. ඇල්බේනියාවේ ආසාදිත 939 ට මරණ 5 කි.

ප්‍රංශයේ අගය සලකන්නේ නම් ලංකාවේ ඊයේ 40000 පමණ ආසාදිතයින් සිටිය යුතුය.
කොරෝනා ආසාදිතයින්ගේ සංඛ්‍යා අගයන් නිවැරදි නොවන බවට මීට කාලයකට පෙර විවිධ චෝදනා මතුවූ අතර මේ හේතුවෙන් වසංගත රෝග විද්‍යා අංශයේ පුටුද මාරු විය.

ඊයේ ලෝකයේ කොරෝනා ආසාදිතයින් සංඛ්‍යාවන් පහතින්