නොදන්වා විදුලි කැපීම ඇරඹේ

යළිත් වරක් විදුලි කප්පාදුවක් සිදුවිය හැකි බවට විදුලිබල මණ්ඩල වෘත්තීය සමිති ඊයේ කළ අනතුරු ඇඟවීම ප්‍රකාරව බදාදා රාත්‍රී සිට දිවයිනේ තෝරාගත් ප්‍රදේශවල රාත්‍රී නොදන්වා විදුලි කප්පාදුව අරඹා ඇති බව පාරිභෝගිකයින් දන්වා තිබේ.
ඒ අනුව සවස 6-11 අතර ස්ථාන ගණනාවක ඊයේ 5 වනදා සිට පැයක පමණ කාලයක් විදුලිය අත්හිටුවා ඇති අතර නොදන්වා කැපීම නිසා බොහෝ අයට අපහසුතා ඇතිව තිබේ.

වෘත්තිය සමිති පෙන්වා දී තිබුනේ සපුගස්කන්ද තෙල් පිරිපහදුව වසා දැමීම සමග කැලණිතිස්ස බලාගාරයේ නිෂ්පාදනය නවතින නිසා එම අඩුව සපුරා ගන්නට මෙම කප්පාදුව සෘජුවම කරන්නට සිදුවන බවකි. ඉන්ධන අර්බුදය හේතුවෙන් රටට මේ වන විට විදුලි බලය සැපයෙන්නේ ජල විදුලි නිෂ්පාදනය හා නොරොච්චෝලේ තාප බලාගාරයෙන් තාප විදුලියෙන් වන අතර එය රටටම ප්‍රමාණවත් නොවන්නකි.