ෂේන් වෝන්ගේ අන්තිම පැය කිහිපය ගැන සමීප මිතුරෙකු කියයි

ප්‍රකට ක්‍රීඩක ෂේන් වෝන්ගේ හදිසි අභාවය ක්‍රිකට් ලෝලීන්ට කම්පනයක් ඇති කර තිබෙන සිදුවීමකි. මියයන්නට පෙර ඔහු අවසන් දින කිහිපය ගත කළ තායිලන්තයේ ඇතිවූ සිදුවීම් ඇතැමුන්ට තවමත් ප්‍රහේලිකාවන්ය.
මිතුරන් සමග ඔහු නැවතී සිටි තායිලන්තයේ Koh Samui හි නිවාඩු නිකේතනයේදී වෝන් සිහිසුන්ව සිටියදී සොයා ගන්නා ලදී. 
ඔහුගේ වියෝවෙන් පසු ඔහු ගැන කතා කරන සමීප මිතුරු ටොම් හෝල් ද ඔහු මියගිය නවාතැනේ නැවතී සිටි අයෙකි. ඔහු පවසන්නේ මියයන්නට පෙර ෂේන් වෝන් ඔහුගේ පැරණි ක්‍රිකට් ඇඳුම් තමාට තෑගි පිරිනැමූ බවත් සිකුරාදා ඔහුගේ මරණයට පෙර අවසන් පැයවලදී ටෝස්ට් කරන ලද පාන් සමග සම්ප්‍රදායික ඕස්ට්‍රේලියානු වෙජිමයිට් කෙටි ආහාරයක් අනුභව කළ බවයි.

පසුව ඔවුන් රූපවාහිනියෙන් ක්‍රිකට් තරග නැරඹූ බවද සඳහන්ය.
මිතුරන් පවසන්නේ වෝන්ගේ මරණය වටා “අසාමාන්‍ය තත්වයන් කිසිවක්” නොතිබූ බවයි. ‘අපිට තායිලන්තයේදී ඔස්ට්‍රේලියාව සහ පාකිස්තානය අතර ටෙස්ට් තරගය නරඹන්නේ කෙසේද? වැනි ප්‍රශ්න ෂේන් වෝන් අසමින් සිට තිබේ.

ටෙස්ට් තරගයට පන්දු කිහිපයක් තිබියදී වෝන් උඩ පැන කලබලයෙන් තම කාමරය වෙත දිව ගියේය. "ඔහු ආපසු පැමිණියේ වේලෙන්නට දමා තිබූ ඇඳුම් අතැතිව" යැයි හෝල් පැවසීය. “ෂේන් පසුගිය වසරක පමණ කාලය තුළ මා සමඟ The Sporting News වැඩ කරමින් සිටියා. ඔහු මට 2005 අළු බඳුන ටෙස්ට් තරගයේ ඔහුගේ ජම්පරය, ඔහුගේ 2008 IPL කමිසය සහ එක්දින ජාත්‍යන්තර කමිසයක් සහ තොප්පිය TSN කාර්යාලවල තැබීමට ලබා දුන්නා."

ඔහු රාජස්ථාන් රෝයල්ස් කණ්ඩායමට නායකත්වය දුන් ඔහුගේ පළමු IPL වාරය ගැන කතා කීව්වා. විවිධ ක්‍රිකට් ආම්පන්න සමඟ විහිළු කරමින් ඡායාරූප ගැනීමෙන් පසු මිතුරන්ට “කෑමට ඉක්මන් බයිට් එකක්” හදන්න උපදෙස් දුන්නා. ‘ ඔහු වැඩිදුරටත් පැවසීය.

පහත දැක්වෙන්නේ පොලිසිය සහ ඔහුගේ මිතුරන්ගේ වාර්තා මත පදනම් වූ ඔහුගේ අවසන් දින කාලසටහනකි.

- වෝන් බ්‍රහස්පතින්දා රාත්‍රී 8.35 ට සමුයි ගුවන් තොටුපළට ගුවන් යානයකින් පැමිණේ. - ඔහු මිතුරන් තිදෙනෙකු සමඟ එකතු වී ඇත: ඇන්ඩෲ නියෝෆිටෝ, ෆ්රෙඩ් විටෙරෝ, ගැරත් එඩ්වර්ඩ්ස්. - ක්‍රිකට් තාරකාව තායි දූපතේ Koh Samui හි Samujana නිවාඩු නිකේතනයේ ඔහුගේ සුඛෝපභෝගී විලා වෙත නවාතැනට යයි.

-

වෝන් ඉන්ස්ටග්‍රෑම් සටහනක් තබමින් විලාවේ ඇති තටාකයේ ඡායාරූපයක් උඩුගත කරයි. 'Goodnight from Samujana Villas in Koh Samui' ඔහු ලියයි. - ඔහු පසුදින ඔහුගේ සිව්වන මිතුරා ටොම් හෝල් සමඟ එකතු වේ.

- වෝන් දේශීය ටේලර් කෙනෙකුගෙන් සහ තායි සම්බාහන ශිල්පීන් දෙදෙනෙකුගෙන් ඔහුට විලා එකේ සම්බාහනය කිරීමට ඇඳුමක් ඇණවුම් කරයි. - ඔස්ට්‍රේලියාව සහ පාකිස්තානය අතර පළමු ටෙස්ට් තරගය රූපවාහිනියෙන් නැරඹීමට ඔහු තම මිතුරන් සමඟ එක් වෙයි.

- වෝන් හෝල්ට ඔහුගේ 2005 අළු බඳුන ජම්පරය, 2008 IPL කමිසය සහ එක්දින ජාත්‍යන්තර කමිසයක් සහ තොප්පියක් ලබා දෙයි. - වෝන් ඔහුගේ අවසන් ආහාරය වන Vegemite toast රස විඳියි. - වෝන් ඔහුගේ කාමරයට යන විට ඔහුගේ මිතුරන් බීම සඳහා පිටතට යාමට සැලසුම් කරයි.

- වෝන් දිගටම ඔහුගේ කාමරයේ ක්‍රිකට් නරඹන අතර ඕස්ට්‍රේලියාවේ සිටින ඔහුගේ දරුවන්ට දුරකථන ඇමතුම් ලබා දෙයි. - සිකුරාදා සවස 5 ට ප්‍රතිචාර නොදක්වන වෝන් දැකීමට පෙර නියෝෆිටෝ වෝන්ගේ කාමරයේ දොරට තට්ටු කරයි. ඔහු සිහිසුන්ව සිට සොයාගනී.

ෂේන් වෝන්ගේ මරණය සැකසහිත එකක් නොවන බවට තායිලන්ත බලධාරීන් තීන්දු කර තිබේ.

 තායිලන්තය සුරත් තානිහි තිබුණ ෂේන් වෝන්ගේ දේහය  ඔහුගේ උපන් රටට ගෙන යාමට පෙර තායිලන්තයේ අගනුවර බැංකොක් වෙත ඊයේ සඳුදා ප්‍රවාහනය කර ඇත. ගිලන් රථ සහ පොලිස් රථ පෙළ  සුරත් තානි පළාතේ සිට බැංකොක්හි ගුවන් තොටුපළක් වෙත ගමන් කළ බව වාර්තාවේ.
අනතුරුව දේහය ඕස්ට්‍රෙලියාව වෙත පිටත් කරනු ඇත.